તૈયારી / ડોનાલ્ડ ટ્રમ્પ ભારત પર વધુ એક ટેરિફ બોમ્બ ફોડશે? વિદેશ મંત્રી માર્કો રુબિયોનો ખુલાસો

અમેરિકાના વિદેશ મંત્રી માર્કો રુબિયોએ ભારત દ્વારા રશિયન તેલ ખરીદવા અંગે એક મોટું નિવેદન આપ્યું હતું. તેમણે કહ્યું હતું કે રાષ્ટ્રપતિ ટ્રમ્પ રશિયા પર પ્રતિબંધો વધુ કડક કરવા અને ભારત પર ટેરિફ વધારવાનું વિચારી રહ્યા છે કારણ કે ભારત રશિયા પાસેથી ક્રૂડ તેલ આયાત કરવાનું ચાલુ રાખે છે. રુબિયોએ કહ્યું કે આ યુક્રેન યુદ્ધનો અંત લાવવા માટે ભારત પર દબાણ લાવવાનું પગલું હોઈ શકે છે. તેમણે યુરોપને પણ સમાન પ્રતિબંધો લાદવા હાકલ છે.

તમે ભારત માટે અમે લીધેલા પગલાં જોયા છે: રુબિયો

એક ઇન્ટરવ્યુમાં યુએસ સેક્રેટરી ઓફ સ્ટેટ માર્કો રુબિયોએ કહ્યું, 'અત્યારે, યુરોપમાં પણ કેટલાક દેશો છે, જે રશિયા પાસેથી મોટા પાયે ક્રૂડ ઓઇલ અને કુદરતી ગેસ ખરીદી રહ્યા છે, જે એકદમ અયોગ્ય છે. તેમણે કહ્યું, 'તમે ભારત પ્રત્યે અમે જે પગલાં લીધાં છે તે જોયા છે, જોકે અમને આશા છે કે તેમાં સુધારો થઈ શકે છે અને રાષ્ટ્રપતિ ટ્રમ્પ પાસે વધુ પગલાં લેવાની ક્ષમતા છે અને પરિસ્થિતિ જે દિશામાં જઈ રહી છે તેને કારણે તેઓ તેના પર વિચાર કરી રહ્યા છે.'

આ પણ વાંચોઃ VIDEO: પાકિસ્તાનમાં ચાલુ ટ્રેનમાં બ્લાસ્ટ, મુસાફરોમાં મચી અફરાતફરી, જુઓ ભયાનક વીડિયો

ભારત સાથેની વાતચીતમાં પ્રગતિ થઈ છે: રુબિયો

અગાઉ, એક ઇન્ટરવ્યૂમાં માર્કો રુબિયોએ કહ્યું હતું કે, "ભારત સાથે વેપાર વાટાઘાટોમાં મુખ્ય મુદ્દો રશિયા પાસેથી તેલની ખરીદીનો છે. અમે તાજેતરમાં જ રશિયા પાસેથી ક્રૂડ ઓઇલની ખરીદી અંગે તેમની સાથે ફરીથી મુલાકાત કરી હતી, અને તેના પર નોંધપાત્ર પ્રગતિ થઈ છે."

ભારતના વાણિજ્ય મંત્રી પિયુષ ગોયલ અમેરિકાના પ્રવાસે છે

ભારતના વાણિજ્ય મંત્રી પીયૂષ ગોયલ હાલમાં અમેરિકાના પ્રવાસે છે, જ્યાં તેઓ ભારત અને અમેરિકા વચ્ચે ચાલી રહેલી વેપાર વાટાઘાટોને વધુ વેગ આપવાનો પ્રયાસ કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ