મનોરંજન / 13માં દિવસે ડંકીની કમાણીનો આંકડો કેટલે પહોંચ્યો? નવા વર્ષમાં સારું એવું કર્યું કલેક્શન, બાદશાહત યથાવત

શાહરુખ ખાને 2023માં બોક્સ ઓફિસ પર ધૂમ મચાવી 
13 દિવસમાં ઘરેલુ બોક્સ ઓફિસ પર સારું કલેક્શન કર્યું
'ડંકી' એક કોમેડી ડ્રામા ફિલ્મ છે

બોલીવુડનાં બાદશાહ શાહરુખ ખાને 2023માં બોક્સ ઓફિસ પર ધૂમ મચાવી છે. કિંગ ખાનની 2023 માં રીલીઝ થયેલી ત્રણેય ફિલ્મોએ બોક્સ ઓફિસ પર જોરદાર કમાણી કરી છે. તેમની 'પઠાણ' અને 'જવાન' ફિલ્મોએ બમ્પર કમાણી કરી છે તો આ સાથે 'ડંકી' ફિલ્મને પણ લોકોનો સારો પ્રતિભાવ મળ્યો છે. 

'ડંકી' રીલીઝનાં 13 માં દિવસે કેટલી કમાણી 
પ્રભાસની 'સાલાર' શાહરૂખ ખાનની 'ડંકી' ને બોક્સ ઓફિસના આંકડામાં માત આપી રહી છે, પરંતુ આ ફિલ્મે પણ દર્શકોના દિલ જીત્યા છે. 'ડંકી' ફિલ્મે રિલીઝના 13 દિવસમાં ઘરેલુ બોક્સ ઓફિસ પર સારું કલેક્શન કર્યું છે. કમાણીની વાત કરીએ તો, 29.2 કરોડ રૂપિયા સાથે ઓપનિંગ કરનાર આ ફિલ્મે તેની રિલીઝના પહેલા અઠવાડિયામાં 160.22 કરોડ રૂપિયાનું કલેક્શન કર્યું હતું. બીજા અઠવાડિયાની કમાણીમાં ઉતાર-ચડાવ જોવા મળ્યા છે. બીજા રવિવારે 'ડંકી' એ 7 કરોડની કમાણી કરી છે તો બીજા શનિવારે 9 કરોડની કમાણી કરી છે. 'ડંકી' રિલીડ થયાનાં 13 માં દિવસે 3.85 કરોડની કમાણી કરી છે. આ સાથે તેની કુલ કમાણી 200.62 કરોડ રૂપિયા થઈ ગઈ છે. 

વાંચવા જેવું: કેવી છે પ્રભાસની ફિલ્મ 'સાલાર', જોવા જેવી ખરી? સ્ટોરી એવરેજ પણ એક્ટિંગ દમદાર, જાણી લો રિવ્યૂ

'ડંકી' એ વિશ્વભરમાં કેટલી કમાણી કરી 
'ડંકી' ફિલ્મે ઘરેલુ બોક્સ ઓફિસ પર 200 કરોડની કમાણી કરી છે તો વિશ્વભરમાં તેણે 400 કરોડની કમાણી કરી છે. 

'ડંકી' સ્ટાર કાસ્ટ 
'ડંકી' એક કોમેડી ડ્રામા ફિલ્મ છે. જે રાજકુમાર હિરાણી દ્વારા નિર્દેશીત કરવામાં આવી છે. ફિલ્મમાં શાહરુખ ખાન સાથે તાપસી પન્નુ, વિક્કી કૌશલ અને બોમન ઈરાનીએ મહત્વની ભૂમિકાઓ ભજવી છે.