હવામાનની ગરમ આગાહી / ગુજરાતમાં ગરમીનો પ્રકોપ, આગામી 4 દિવસ માટે હવામાન વિભાગની ભયંકર આગાહી

Gujarat Weather Forecast : રાજ્યમાં પડી રહેલ અતિશય ગરમીની વચ્ચે હવામાન વિભાગે ફરી એકવાર મોટી આગાહી કરી છે. વાત જાણે એમ છે કે, રાજ્યવાસીઓએ હજુ ગરમી સહન કરવા તૈયાર રહેવું પડશે. હવામાન વિભાગની આગાહી મુજબ રાજ્યમાં ગરમીનો પ્રકોપ ચરમ સીમાએ રહેશે. વિભાગ દ્વારા આગામી ચાર દિવસ સુધી હિટવેવની આગાહી કરવામાં આવી છે. હવામાન વિભાગ દ્વારા અમદાવાદ અને ગાંધીનગરમાં બે દિવસ રેડ એલર્ટ આપવામાં આવ્યું છે.

હવામાન વિભાગનું માનીએ તો હજી પણ ગુજરાતમાં આકરી ગરમી પડશે. હાલ અમદાવાદનું તાપમાન 45.9 ડિગ્રી અને ગાંધીનગરમા 45.8 ડિગ્રી તાપમાન નોંધાયું છે. જ્યારે આગાહી મુજબ આણંદ, બનાસકાંઠા, સાબરકાંઠા, પાટણ, મહેસાણા, સુરત, વલસાડ, ખેડા, પંચમહાલ, અરવલ્લી, અમરેલી, છોટાઉદેપુર, મોરબી, સુરેન્દ્રનગર, રાજકોટ, અમરેલી, બોટાદ, જૂનાગઢ, કચ્છ, ભાવનગરમાં ઓરેન્જ અલર્ટ અપાયું છે.

વધુ વાંચો : ગુજરાતમાં મોત આપતી પ્રચંડ ગરમી! બચવા આટલું કરો, લૂના લક્ષણો જાણો

હવામાનની આગાહી મુજબ આજે અમદાવાદ અને ગાંધીનગરમાં 46 ડિગ્રી તાપમાન રહી શકે છે. હવામાન વિભાગે આગાહી કરી છે કે, ઉત્તર પશ્ચિમી પવન ફૂંકવાને કારણે ગરમીની અસર વર્તાઈ રહી છે. જે ગરમીમાં ચાર દિવસ બાદ મહત્તમ તાપમાનમાં 2 થી 3 ડિગ્રી ઘટાડો થશે. જોકે ત્યાં સુધી લોકોએ આકરી ગરમી સહન કરવા તૈયાર રહેવું પડશે.