WTC final / શું શુભમન ગિલ ખરેખર આઉટ હતો ? કેચ પકડનાર ઓસ્ટ્રેલિયાના ક્રિકેટરે પોતે કર્યો મોટો ખુલાસો, જાણો શું કહ્યું..

• શુભમન ગિલ બીજા દાવમાં વિવાદાસ્પદ રીતે આઉટ
• કેમેરોન ગ્રીનના વિવાદાસ્પદ કેચ પર હોબાળો થયો
• ગ્રીને શુભમન ગિલના વિવાદાસ્પદ કેચ પર મૌન તોડ્યું 

શું ટીમ ઈન્ડિયાનો યુવા ઓપનર શુભમન ગિલ ખરેખર આઉટ હતો? જો તે આઉટ હતો તો આટલો બધો હોબાળો કેમ ? કેપ્ટન રોહિત શર્માથી લઈને અનુભવી સુનીલ ગાવસ્કર આ નિર્ણયથી ખુશ ન હતા. હવે ઓસ્ટ્રેલિયન ફિલ્ડર કેમરોન ગ્રીને શુભમન ગિલના વિવાદાસ્પદ કેચ પર પોતાનું મૌન તોડતા સમગ્ર સત્ય કહી દીધું છે. ગ્રીને જણાવ્યું કે તેને કેમ લાગ્યું કે તેણે ગિલનો ક્લીન કેચ લીધો છે. થર્ડ અમ્પાયર સિવાય સોશિયલ મીડિયા પર લોકોએ ગીલને આઉટ આપવા બદલ ગ્રીન અને આખી ઓસ્ટ્રેલિયન ટીમને ખૂબ ખરાબ ગણાવી હતી. ચોથા દિવસની રમત સમાપ્ત થયા બાદ કેમેરોન ગ્રીન જ્યારે પ્રેસ કોન્ફરન્સમાં આવ્યો ત્યારે તેને વિવાદાસ્પદ કેચ અંગે પ્રશ્ન કરવામાં આવ્યો હતો. જ્યારે ગ્રીનને શુભમન ગિલના વિવાદાસ્પદ કેચ વિશે પૂછવામાં આવ્યું તો તેણે કહ્યું, તે સમયે મને લાગ્યું કે મેં કેચ પકડ્યો છે. પરિસ્થિતિ એવી હતી કે જ્યારે મેં કેચ લીધો ત્યારે મને લાગ્યું કે મેં જે કેચ લીધો છે તે ક્લીન છે. તે મારા માટે સ્પષ્ટ હતું કે મેં યોગ્ય રીતે કેચ પકડ્યો હતો. પરંતુ તે પછી મેં તેને ત્રીજા અમ્પાયર પર છોડી દીધું જે મારા કેચ સાથે સહમત હોય તેવું લાગતું હતું.

 

That Cameron Green catch!#WTC23 | #AUSvIND pic.twitter.com/bL4IwCC8d6

— ICC (@ICC) June 11, 2023

ગ્રીને આઠમી ઓવરમાં ગિલનો વિવાદાસ્પદ કેચ ઝડપ્યો હતો

આ ઘટના ભારતીય ઇનિંગ્સની આઠમી ઓવરના પ્રથમ બોલ પર બની હતી. ત્યારબાદ ઓસ્ટ્રેલિયન કેપ્ટન પેટ કમિન્સે બોલ પેસર સ્કોટ બોલેન્ડને આપ્યો અને તેણે ઓવરનો પહેલો બોલ સારી લેન્થ પર ફેંક્યો. શુભમન ગિલ આ બોલનો બચાવ કરવા માંગતો હતો. બોલ બેટને ટચ કરીને આગળ ગયો. જ્યાં કેમરૂન ગ્રીને ડાઇવ કરીને એક હાથે બોલ કેચ કર્યો હતો. જોકે એવું લાગતું હતું કે ગ્રીને આ કેચ ક્લીનલી પકડ્યો ન હતો કારણ કે બોલ જમીનને સ્પર્શી રહ્યો હતો.

A huge moment in the #WTC23 Final was decided without an initial 'soft signal' for the third umpire 👀

More on the recent changes to the playing conditions, and the wording of the catch law 👇https://t.co/eOE9lBDNB2

— ICC (@ICC) June 11, 2023

કોહલી અને રહાણે પાસેથી અપેક્ષાઓ

જો કે મેચની વાત કરીએ તો ભારતીય ટીમને રવિવારે પાંચમા દિવસે જીતવા માટે 280 રનની જરૂર છે. ટીમ ઈન્ડિયા આ રનનો પીછો કરીને વર્લ્ડ રેકોર્ડ પોતાના નામે કરી શકે છે. ચોથા દિવસે ભારતે 3 વિકેટ ગુમાવીને 164 રન બનાવ્યા હતા. હવે સમગ્ર જવાબદારી વિરાટ કોહલી અને અજિંક્ય રહાણે પર છે જે હાલમાં ક્રિઝ પર છે. વિરાટ 44 અને રહાણે 20 રન બનાવીને અણનમ છે.