- ચૂંટણીને લગતી બાબતો જાણવા માટે એપ લૉન્ચ
- 2019માં વોટર હેલ્પલાઈન એપ કરાઈ હતી લૉન્ચ
- મતદાતાઓ સરળતાથી ચૂંટણીને લગતી માહિતી શોધી શકે છે
લોકસભા ચૂંટણી 2024ની તૈયારીઓ શરૂ થઈ ચૂકી છે. દેશનાં નિર્વાચિન ચૂંટણી પંચની પ્રક્રિયાને સરળ બનાવવા માટે હવે ઘણો ઓછો સમય રહી ગયો છે. મતદાતાઓની સુવિધા માટે વર્ષ 2019માં આયોગે Voter Helpline App બનાવી હતી જેમાં મતદાતાઓની સુવિધા માટે અનેક ફીચર્સ એડ કરવામાં આવ્યાં છે. આ એપ ચૂંટણી સંબંધિત જરૂરિયાતો માટે વન-સ્ટોપ ડેસ્ટિનેશન છે. તેવામાં આ એપલિકેશન દ્વારા વોટર્સને શું-શું સુવિધાઓ આપવામાં આવે છે તે વિશે જાણો.
વોટર હેલ્પલાઈન એપ
મતદાતાઓની લિસ્ટમાં નામ: એપની મદદથી વોટર્સ મતદાતાઓની લિસ્ટમાં પોતાનું નામ શોધી શકે છે. આ સાથે જ તેઓ એવું પણ ચેક કરી શકશે કે તેઓ વોટ આપવા માટે યોગ્ય છે કે નહીં.
વોટર રજિસ્ટ્રેશન: જો તમારો વોટ રજિસ્ટર્ડ નથી તો આ એપની મદદથી વોર્ટસ ચૂંટણીની લિસ્ટમાં પોતાનો વોટ રજિસ્ટર કરાવી શકે છે. આ સાથે જ રજિસ્ટ્રેશન ડિટેલ્સમાં સુધારો પણ કરી શકે છે.
વોટર સ્લિપ ડાઉનલોડ: આ એપથી વોટિંગ માટે યોગ્ય યૂઝર્સ ઈલેક્ટ્રલ રોલ કે ડિજિટલ ફોટો વોટર સ્લિપ ડાઉનલોડ કરી શકે છે.
ચૂંટણી સંબંધિત ડિટેલ્સ: આ એપ પર યૂઝર્સ ચૂંટણી સંબંધિત જાણકારીઓ, રિઝલ્ટ અપડેટ અને ઉમેદવારો વિશેની ડિટેલ્સ જાણી શકે છે.
મતદાતાઓની લિસ્ટમાં નામ શોધવા શું કરવું?
- વોટર હેલ્પલાઈન એપની મદદથી યૂઝર્સ મતદાતાઓની લિસ્ટમાં પોતાનું નામ શોધી શકે છે. મતદાતા લિસ્ટમાં નામ સર્ચ કરવા માટે તમારે એપનાં હોમ પેજ પર દેખાતાં સર્ચબાર પર ક્લિક કરવું પડશે.
- સર્ચબાર પર ટેપ કરતાંની સાથે નવું પેજ ઓપન થશે જેમાં મોબાઈલ નંબર, ક્યૂઆર કોડ, ડિટેલ્સ કે EPIC નંબર એડ કરીને યૂઝર્સ મતદાતાઓની લિસ્ટમાં પોતાનું નામ શોધી શકશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો:
https://whatsapp.com/channel/0029Va9Pzs50gcfLWGaYSv35
