ઘાતક / રશિયાએ યુક્રેન પર છોડ્યો પ્રતિબંધિત 'Father of all bombs', જાણો કેટલો ખતરનાક હોય છે આ 'વેક્યુમ બોમ્બ'

• રશિયાએ  ઉપયોગ કર્યો યુક્રેન વિરૂદ્ધ પ્રતિબંધિત થર્મોબૈરિક હથિયારનો
• 'વેક્યુમ બોમ્બ' 44 ટન TNTની શક્તિથી કરી શકે છે વિસ્ફોટ
• થર્મોબેરિક બોમ્બની ગણતરી વિશ્વના સૌથી ઘાતક પરમાણુ હથિયારોમાં

તેઓએ જણાવ્યું કે, રશિયાએ સોમવારનાં વેક્યુમ બોમ્બનો ઉપયોગ કર્યો છે કે જે જેનેવા કન્વેશન અંતર્ગત પ્રતિબંધિત છે. થર્મોબૈરિક હથિયારોમાં પારંપરિક ગોળા-બારૂદનો ઉપયોગ નથી થતો. તે એક ઉચ્ચ-દબાણવાળા વિસ્ફોટકથી ભરેલ હોય છે. તે શક્તિશાળી વિસ્ફોટ કરવા માટે આસપાસના વાતાવરણમાંથી ઓક્સિજન શોષે છે.

રિપોર્ટ અનુસાર, થર્મોબેરિક બોમ્બની ગણતરી વિશ્વના સૌથી ઘાતક પરમાણુ હથિયારોમાં થાય છે. તેને 2007 માં રશિયા દ્વારા વિકસાવવામાં આવ્યું હતું. જ્યારે 7100 કિલો વજનના આ બોમ્બનો ઉપયોગ કરવામાં આવે છે ત્યારે તે રસ્તામાં આવેલી ઈમારતો અને માણસોને તબાહ કરી નાખે છે. તેને 'એરોસોલ બોમ્બ' તરીકે પણ ઓળખવામાં આવે છે. પોર્ટ્સમાઉથ યુનિવર્સિટીના પીટર લીનું કહેવું છે કે, રશિયાએ 2016 માં સીરિયા પર આ 'વેક્યુમ બોમ્બ' નો ઉપયોગ કર્યો હતો. આ ખૂબ જ ખતરનાક બોમ્બ છે. તે 44 ટન TNTની શક્તિથી વિસ્ફોટ કરી શકે છે.

જાણો શું છે વેક્યુમ બોમ્બની વિશેષતા?

આ વેક્યુમ બોમ્બની બીજી વિશેષતા એ છે કે, તે ઓક્સિજનને શોષી લે છે અને ખૂબ મોટા પાયે વિસ્ફોટ કરે છે. આવાં વિસ્ફોટોને કારણે અલ્ટ્રાસોનિક શોકવેવ તેમાંથી બહાર આવે છે અને વધુ વિનાશ લાવે છે. આથી તે અન્ય શસ્ત્રો કરતાં વધુ શક્તિશાળી માનવામાં આવે છે. રશિયાએ પણ આ બોમ્બ એટલાં માટે તૈયાર કર્યો હતો કે, તે દુનિયાને જણાવી શકે કે તે કેટલો શક્તિશાળી છે અને ગમે ત્યારે કોઈ પણ દેશ રશિયા પર હુમલો કરતા પહેલાં અનેક વખત વિચારે છે.

'ફાધર ઓફ ઓલ બોમ્બ' 300 મીટરની ત્રિજ્યામાં નુકસાન પહોંચાડી શકે છે. આ વિનાશક શસ્ત્રને જેટમાંથી છોડવામાં આવે છે અને તે હવાની વચ્ચે વિસ્ફોટ કરે છે. તે હવામાંથી ઓક્સિજન ખેંચે છે અને નાના પરમાણુ હથિયાર જેવી જ અસર પેદા કરે છે. આ શક્તિશાળી બોમ્બ પરમાણુ હથિયારોથી વિપરીત પર્યાવરણ માટે કોઈ ખતરો નથી.

બોમ્બ બનાવવામાં અમેરિકાનો પણ હાથ

આ ખતરનાક બોમ્બ તૈયાર કરવા પાછળ અમેરિકાનો સૌથી મોટો હાથ છે. યુએસએ 2003 માં 'મધર ઓફ ઓલ બોમ્બ' (Mother of all bomb) તૈયાર કર્યો હતો કે જેનું નામ GBU-43/B છે. તે 11 ટન ટીએનટીની શક્તિથી વિસ્ફોટ કરી શકે છે, જ્યારે રશિયન બોમ્બ 44 ટન ટીએનટીની શક્તિથી બ્લાસ્ટ કરવામાં સક્ષમ છે. અમેરિકામાં તૈયાર થયેલા આ બોમ્બના જવાબમાં રશિયાએ 'ફાધર ઓફ ઓલ બોમ્બ' તૈયાર કર્યા.