કચ્છ / રામ રાખે તેને કોણ ચાખે: ટ્રેકટરનો આગળનો ભાગ નદીમાં જતા યુવક નદીમાં પડ્યો, મોતને હાથતાળી આપીને આવ્યો

• ટ્રેકટર ડ્રાઈવરે વહેતી નદીમાં પુલ પાર કરવાનો કર્યો પ્રયાસ
• ટ્રેકટર ચાલકનુ ટ્રેકટર પુલની અધવચ્ચે ગયુ અને બગડ્યુ સંતુલન
• ટ્રેકટર ચાલકનો આગળનો ભાગ નદીમાં ગયો

ટ્રેકટર ચાલકે પુલને પાર કરવાનો કર્યો પ્રયાસ, આગળનો ભાગ નદીમાં

કચ્છ જિલ્લામાં થયેલા ભારે વરસાદને કારણે અનેક નદી-નાળા છલકાયા છે. ભારે વરસાદને કારણે પુલ પરથી પાણી વહી રહ્યું છે. જિલ્લાની બંગડી નદી પણ વહી રહી છે. ટ્વિટર પર વાયરલ થયેલી ક્લિપમાં તમે જોઇ શકો છો કે પુલ પરથી બંગડી નદીનુ પાણી વહી રહ્યું છે. તેમ છતા એક ટ્રેક્ટર ડ્રાઈવર પુલને પાર કરવાનો પ્રયાસ કરી રહ્યો છે. તેને જરા પણ અંદાજો નથી કે આમ કરવુ તેના માટે અને ટ્રેક્ટરમાં બેઠેલા યુવક માટે જીવલેણ સાબિત થઇ શકે છે. વીડિયોમાં ટ્રેકટર જેવુ પુલની વચ્ચે જઇને પહોંચે છે, તો સંતુલન બગડે છે અને તેનો આગળનો ભાગ નદીમાં જતો રહે છે. આ દરમ્યાન ટ્રેકટરમાં બેઠેલો યુવક પણ નદીમાં ખાબકે છે. સદનસીબે યુવકને તરતા આવડે છે અને તે બચી જાય છે. 

इतनी जल्दी भी ठीक नही है 😡😡

गुजरात, कच्छ में बंगड़ी नदी पार करते वक्त हुआ हादसा, बाल-बाल बची युवक की जान..!! pic.twitter.com/G1MWKYd8bh

— Raman Suri (@RamanSuriBJP) July 14, 2022

વીડિયો જોયા બાદ ટ્વિટર યુઝર્સે આપી પ્રતિક્રિયા

આશ્ચર્યની વાત એ છે કે લોકો ટ્રેકટર ડ્રાઈવરને પુલ ક્રોસ કરવાની ના પાડવાના બદલે બીજી તરફ આવવાનો ઈશારો કરી રહ્યાં હતા. ત્યારબાદ ટ્રેકટર ચાલકે જોયા  વગર એક્સિલેટર દબાવી સીધો પુલ પર આવી ગયો. ત્યારબાદ ટ્રેકટરનો આગળનો ભાગ નદીમાં જતો રહે છે. આ વીડિયોને ટ્વિટર પર ભાજપના એક નેતા રમન સૂરીએ શેર કર્યો છે. તેમણે લખ્યું છે, આટલી ઉતાવળ પણ સારી નથી. તો વીડિયો જોયા બાદ ટ્વિટર યુઝર્સ પણ પોતપોતાની પ્રતિક્રિયા આપી રહ્યાં છે. એક યુઝર્સે કોમેન્ટ કરતા લખ્યું છે, જીવન અનમોલ છે. આ ફરીથી નહીં મળે. તેથી પોતાનો જીવ જોખમમાં ના નાખશો. તો અન્ય એક યુઝરે લખ્યું છે, આટલી હોશિયારી પણ સારી નથી.