હવામાન એલર્ટ / Videos: ધોધમાર વરસાદથી મુંબઈના રસ્તાઓ પાણી-પાણી, ટ્રેનો મોડી પડી, તંત્રની બહાર ન નીકળવા અપીલ

સોમવારે સવારે રાજધાની મુંબઈમાં મધ્યરાત્રિથી સતત વરસાદના કારણે રેલ ટ્રાફિક પણ પ્રભાવિત થઈ રહ્યો છે. મધ્ય રેલ્વે, હાર્બર અને પશ્ચિમ રેલ્વેની લોકલ સેવાઓ પ્રભાવિત થઈ છે, જેના કારણે ઓફિસ જતા મુસાફરોને અસુવિધાનો સામનો કરવો પડી રહ્યો છે. મધ્ય રેલવેની મુખ્ય લાઇન પર, કલ્યાણ તરફ જતી ધીમી લોકલ ટ્રેનો 5 મિનિટ મોડી ચાલી રહી હતી, જ્યારે છત્રપતિ શિવાજી મહારાજ ટર્મિનસ (CSMT) તરફ જતી ઝડપી લોકલ ટ્રેનો સરેરાશ 10 મિનિટ મોડી પડી હતી. ધીમી લોકલ સેવાઓ પણ સામાન્ય કરતા 5 મિનિટ મોડી ચાલી રહી છે.

વરસાદને કારણે હાર્બર લાઇન સેવાઓ પણ ધીમી ગતિએ શરૂ થઈ છે. તે જ સમયે પશ્ચિમ રેલ્વેની લોકલ ટ્રેનોમાં 5 મિનિટ સુધીનો વિલંબ જોવા મળી રહ્યો છે.મુંબઈના કુર્લા, વિદ્યા વિહાર, સાયન, દાદર અને પરેલ જેવા વિસ્તારોમાં હજુ પણ હળવો થી મધ્યમ વરસાદ ચાલુ છે.

ભારતીય હવામાન વિભાગ (IMD) એ ચેતવણી આપી છે કે આગામી કેટલાક કલાકો સુધી મધ્યમથી ભારે વરસાદ ચાલુ રહી શકે છે. આ કારણે મુંબઈકરોને સવારે ભીના થઈને દિવસની શરૂઆત કરવી પડી શકે છે.

હવામાન વિભાગે આગાહી કરી છે કે વરસાદનું જોર ચાલુ રહી શકે છે અને નીચાણવાળા વિસ્તારોમાં પાણી ભરાઈ શકે છે. બીએમસીએ નાગરિકોને અપીલ કરી છે કે તેઓ ખૂબ જ જરૂરી હોય ત્યારે જ ઘરની બહાર નીકળે. ગઈકાલે રાત્રે પણ ભારે વરસાદને કારણે ઘણા વિસ્તારોમાં પાણી ભરાઈ ગયા હતા. જેના કારણે વાહનવ્યવહાર ખોરવાઈ ગયો હતો. વહીવટીતંત્રે કહ્યું છે કે તે પરિસ્થિતિ પર નજર રાખશે.

અજિત પવારે બારામતીની મુલાકાત રદ કરી

મુખ્યમંત્રી દેવેન્દ્ર ફડણવીસ અને નાયબ મુખ્યમંત્રી એકનાથ શિંદેએ તમામ સુરક્ષા એજન્સીઓને સતર્ક રહેવા નિર્દેશ આપ્યો છે. બારામતી, ઇન્દાપુર અને સોલાપુર માટે NDRF ટીમો તૈનાત કરવામાં આવી છે. મુંબઈની સાથે અન્ય વિસ્તારોમાં પણ ભારે વરસાદ પડી રહ્યો છે. અજિત પવારે તેમનો બારામતી પ્રવાસ રદ કર્યો છે.

કમોસમી વરસાદથી પુણે-સોલાપુર હાઇવે નદીમાં ફેરવાઈ ગયો હતો. વાયરલ વીડિયોમાં કુદરતનો પ્રકોપ જોવા મળી રહ્યો છે. ભારે વરસાદની ચેતવણી વચ્ચે અધિકારીઓએ સાવચેતી રાખવાની તાકીદ કરી.

મુંબઈમાં ઠેર-ઠેર પાણી ભરાવાની સ્થિતિ યોજાતા લોકોને તકલીફનો સામનો કરવો પડી રહ્યો છે.

વધુ વાંચો: ચોમાસું 24 કલાકમાં કેરળથી મહારાષ્ટ્ર પહોંચશે, આ રાજ્યોમાં ભારે વરસાદની આગાહી

ઘણા જિલ્લાઓ માટે એલર્ટ જાહેર કરવામાં આવ્યું છે

આજે માટે IMD એ રાયગઢ, રત્નાગિરિ અને સિંધુદુર્ગ જિલ્લાઓ માટે ઓરેન્જ એલર્ટ જારી કર્યું છે. મુંબઈ, થાણે, પાલઘર અને મહારાષ્ટ્રના અન્ય જિલ્લાઓ માટે યલો એલર્ટ જારી કરવામાં આવ્યું છે. આગામી 3-4 કલાકમાં રાજ્યના કેટલાક જિલ્લાઓમાં 50-60 કિમી પ્રતિ કલાકની ઝડપે ભારે પવન સાથે વાવાઝોડા અને ભારે વરસાદની શક્યતા છે. વહીવટીતંત્રે નાગરિકોને સતર્ક રહેવા અપીલ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ