કાર્યવાહી / 'હિંદુ યુવકને મોબ લિંચિંગ કરવાનું પ્લાનિંગ..', ગુજરાતમાં રમખાણો, કોમીવાદ થાય તેવો ઈરાદો, વડોદરા કેસમાં પોલીસે ખોલ્યો કાળો ચિઠ્ઠો

• વડોદરામાં કોમવાદ ફેલાવતો વીડિયો બનાવનાર 3ની ધરપકડ
• સમગ્ર મામલે DCP ઝોન 2 અભય સોનીનું નિવેદન 
• "યુવાનોની આખી ટીમ છે જે યુવતીઓ પર નજર રાખે છે"

Vadodara news : વડોદરામાં કોમી વૈમનસ્ય ફેલાય તેવો વીડિયો બનાવવા મુદ્દે પોલીસ દ્વારા તપાસ કરી કાર્યવાહી હાથ ધરવામાં આવી છે. પોલીસે ત્રણ યુવકોને ઝડપી કાયદેસરની કાર્યવાહી હાથ ધરી તપાસનો ધમધમાટ શરૂ કર્યો છે. સમગ્ર મામલે ડીસીપી અભય સોનીએ જણાવ્યું કે, આ આરોપી વોટ્સએપમાં ગ્રૂપ ચલાવતા હતા, જે માધ્યમથી તેમને જાણ થતી કે બે અલગ અલગ ધર્મના યુવક યુવતી સાથે ફરી રહ્યાં છે. ત્યાર બાદ તે લોકોના ફોટા પાડી લેતા હતા, ત્યારબાદ બ્લેકમેઈલ કરતા હતા.

'ત્રણય ગ્રૂપ એડમિનની ધરપકડ કરી'
ડીસીપી અભય સોનીએ જણાવ્યું કે, વોટ્સએપ ગ્રૂપ ચલાવતા ત્રણય ગ્રૂપ એડમિનની ધરપકડ કરી છે તેમજ અન્ય લોકોની પણ પૂછપરછ હાથ ધરી છે.  વિગતવાર માહિતી આપતા જણાવ્યું કે, આ યુવાનોની આખી ટીમ છે જે યુવતીઓ પર નજર રાખતી હતી. ત્યારબાદ તેમને જાણ થતી કે, બે અલગ અલગ ધર્મના યુવક યુવતી સાથે બેઠેલા છે તો તેઓ તરત ત્યાં પહોંચી જતા અને ફોટો વીડિયો લઈ હોબાળો પણ મચાવતા હતા. પરિવારને વીડિયો બતાવી વાયરલ કરવાની ધમકીઓ પણ આપતા હતા. 

'આોરોપીઓ એક ગ્રુપ 4 મહિના જ એક્ટિવ રાખતાં'
અભય સોનીએ જણાવ્યું કે, આ આોરોપીઓ એક ગ્રુપ બનાવીને તેને ફક્ત 4 મહિના જ એક્ટિવ રાખતાં હતા, ત્યારબાદ ડિલિટ કરી નાખતાં હતા. બાદમાં નવું ગ્રુપ બનાવી ફરીથી કોમી વૈમનસ્ય ફેલાય તેવા વીડિયો નાખતાં હતા. તેઓ બોમ્બ લીન્ચિંગ પણ કરતા હતાં. રમખાણો થાય, કોમી ભડકો થાય તેવી પ્રવૃત્તિ પણ કરતા હતા.

આરોપીઓના નામ
- મુસ્તકીન ઈમ્તિયાઝ શેખ - ફતેપુરા
- બુરાનવાલા નજુમિયા સૈયદ - પાણીગેટ
- સાહિલ સહાબુદ્દીન શેખ - રાજમહેલ રોડ