ઝડપથી / તજજ્ઞો પાસેથી માર્ગદર્શન મેળવ્યા બાદ જલ્દીમાં જલ્દી 15 વર્ષની વયના બાળકો માટે રસી -માંડવીયા

• પાંચથી 15 વર્ષની વયના માટે રસીકરણ અંગે સ્પસ્ટતા 
• કેન્દ્રિય આરોગ્ય  મંત્રી મનસુખ માંડવીયાનું મોટું નિવેદન
• વૈજ્ઞાનિકો તરફથી ભલામણ આવતા જ કરીશું અમલ  

કેન્દ્રિય સ્વાસ્થ્ય મંત્રી મનસુખ માંડવિયાએ શનિવારે કહ્યું કે, કેન્દ્ર સરકાર તજજ્ઞો પાસેથી માર્ગદર્શન મેળવ્યા બાદ જલ્દીમાં જલ્દી 15 વર્ષની વયના બાળકો માટે કોવિડ-19 વિરોધી રસીકરણ અભિયાન હાથ ધરશે. માંડવિયાને  પત્રકારો સાથેની વાતચીત દરમિયાન પુછાયું કે, 15 વર્ષ સુધીના બાળકોને વેકસીન અંગે સરકારનું શું વલણ છે. તેમણે કહ્યું કે, તજગ્નોની ટીમે હજુ આ ઉમર માટેના બાળકોના રસીકરણ અંગે  હજુ સુધી  કોઈ ભલામણ કરી નથી.

કેન્દ્રિય મંત્રી એક ફેબ્રુઆરીએ રજુ થયેલા કેન્દ્રિય બજેટ પર ભારતીય જનતા પાર્ટી આયોજિત એક કાર્યક્રમમાં  ભાગ લેવા ગાંધીનગર આવ્યા હતા. મનસુખ માંડવિયાએ એક પત્રકાર પરિષદમાં કહ્યું કે, ' ક્યારે અને કઈ ઉમરના લોકોને રસી આપવાની છે, તેનો નિર્ણય વૈજ્ઞાનિકોની ટીમની ભલામણ ના આધારે લેવાય છે.અમે એક અઠવાડિયાની અંદર જ વધુ જરૂરીયાત વાળા વર્ગ માટે તેઓની ભલામણને લાગુ કરી હતી. અમે 5 થી 15 વર્ષની વયના જૂથ માટે પણ તેઓની ભલામણ આવતા જ ચોક્કસ પણે લાગુ કરી દઈશું.  

દેશમાં 15 થી 18 ની વયના જૂથ માટે કોવિડ-19 વિરોધી રસીકરણ અભિયાન ગત મહીને શરુ કરાયું હતું. માંડવિયાએ કહ્યુંકે, આજે રસીકરણ કોઈ મુદ્દો જ નથી.અમારી પાસે પુરતો જથ્થો છેઅને અમે વૈજ્ઞાનિક ટીમની ભલામણને અવશ્ય લાગૂ કરીશું. તેમણે કહ્યું કે, સરકારને હજુ સુધી આવી કોઈ ભલામણ મળી નથી અને આ સંદર્ભે નિર્ણય આવનારા દિવસોમાં લેવાશે અને આ કોઈ રાજકીય નિર્ણય પણ નથી.