મોત / ઓસામા બિન લાદેનના પુત્ર હમજા બિન લાદેનનું મોત, અમેરિકી રાષ્ટ્રપતિ ડોનાલ્ડ ટ્રમ્પે કરી પુષ્ટી

• ગત મહીને પણ હમજા બિન લાદેનના મોતના સમાચાર સામે આવ્યા હતા
• હમજા બિન લાદેન અમેરિકાના આંતકવાદ વિરોધી અભિયાનમાં માર્યો ગયો
• હમજા બિન લાદેન પર 10 લાખ ડોલર ઇનામ જાહેર કરાયું હતું

આ પહેલા, ગત મહીને પણ મીડિયા રિપોર્ટમાં દાવો કરાયો હતો કે અમેરિકાએ ગુપ્તચર જાણકારી પ્રાપ્ત કરી છે કે ઓસામા બિન લાદેનનો પુત્ર મરી ચૂક્યો છે. ટ્રમ્પે એક નિવેદનમાં કહ્યું, ''અલકાયદાનો ટોચનો નેતા અને ઓસામા બિન લાદેનનો પુત્ર હમજા બિન લાદેન અફઘાનિસ્તાન-પાકિસ્તાન ક્ષેત્રમાં અમેરિકાના આંતકવાદ વિરોધી અભિયાનમાં માર્યો ગયો. જોકે, અમેરિકી રાષ્ટ્રપતિએ એ જણાવ્યું નથી કે હમજાની મોત ક્યારે અને ક્યાં થઇ.

આ વર્ષે માર્ચ મહીનામાં અમેરિકાએ હમજા બિન લાદેન વિશે જાણકારી આપનારને 10 લાખ ડોલર પુરસ્કાર આપવાનું એલાન કર્યું હતું. અમેરિકાએ કહ્યું કે હમજા પોતાના પિતાની મોતનો બદલો લેવા તેના પર હુમલાનું ષડયંત્ર રચી રહ્યો છે. તેને જોતા આટલા મોટા ઇનામનું એલાન કર્યું હતું. 

જ્યારે સંયુક્ત રાષ્ટ્ર સુરક્ષા પરિષદે (UNSC) હમજા બિન લાદેનનું નામ પોતાની પ્રતિબંધ સૂચીમાં ઉમેર્યું હતું. સંયુક્ત રાષ્ટ્ર સુરક્ષા પરિષદ અને અમેરિકા તરફથી હમજાને લઇને કડક નિર્ણય લેવા માટે સાઉદી અરબે પણ હમજાની નાગરિકતા રદ્દ કરી દીધી હતી.