ટ્રાન્ઝેક્શન ફેઈલ! / BIG NEWS: UPI સર્વર થયું ડાઉન, આખા દેશમાં PhonePe, Google Pay અને Paytmના યુઝર્સને મુશ્કેલી

• સમગ્ર દેશમાં UPI સર્વર ડાઉન થયું
• PhonePe, Google Pay અને Paytmના યુઝર્સને મુશ્કેલી
• આ વર્ષમાં બીજી વખત UPI સર્વર ડાઉન થયું

UPIને લઇને મહત્વના સમાચાર મળી રહ્યા છે. UPIનું સર્વર ડાઉન થઇ ગયું છે. જેને લઇને લોકોને પેમેન્ટ કરવામાં મુશ્કેલી સર્જાઈ રહી છે. લોકો યૂપીઆઈના ડાઉન થયા બાદ આની ફરિયાદ સોશિયલ મીડિયા પર ટ્વીટ કરીને કરી રહ્યા છે.

યુઝર્સ PhonePe, Google Pay અને Paytm જેવી મોટી UPI એપ્સ દ્વારા ટ્રાન્ઝેક્શન ન થઈ રહ્યું હોવાની Twitter પર ફરિયાદ કરી રહ્યા છે. યુઝર્સને લાંબા પ્રોસેસિંગ સમય બાદ નિષ્ફળ ચૂકવણીની સૂચના આપવામાં આવી હતી.

Looks like @UPI_NPCI servers are down facing so much difficulty in doing payments. @UPI_NPCI how much will be the expected down time #UPI #payments pic.twitter.com/u6iLw5E4kL

— akhil (@akhilbevara) April 24, 2022

અત્રે ઉલ્લેખનીય છે કે, વર્ષમાં આ બીજી વખત છે જ્યારે UPI સર્વર ડાઉન થયું છે, ગત વખત 9 જાન્યુઆરીએ સર્વર ડાઉન થયું હતું. NPCI એ હજુ સુધી વિક્ષેપ અંગે ઔપચારિક માહિતી આપી નથી.

UPI, નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા રીઅલ-ટાઇમ પેમેન્ટ સિસ્ટમ, ભારતના છૂટક વ્યવહારોમાં 60 ટકાથી વધુ હિસ્સો ધરાવે છે. આ પેમેન્ટ સિસ્ટમ મોટા પ્રમાણમાં વ્યવહારો સંભાળે છે, જેમાં મોટાભાગના નાની રકમના વ્યવહારો છે. 100 રૂપિયાથી નીચેના વ્યવહારો UPI વોલ્યુમના 75 ટકા હિસ્સો ધરાવે છે. માત્ર માર્ચ મહિનામાં જ UPIથી રૂ. 9.60 લાખ કરોડના 540 કરોડ વ્યવહારો થયા હતા.