વિચિત્રતા / મોરબીમાં એવા બાળકનો જન્મ થયો કે ડૉક્ટરો પણ આશ્ચર્યચકિત થઇ ગયા!

• જન્મ સમયે બાળકનું માથું અલ્પ વિકસતિ હતું
• બાળક જીવિત છે, માતાની તબિયાત પણ સારી છે
• બાળક મનોવિકલાંગ પણ થઈ શકે તેવી સંભવના

મોરબીના ભડિયાદ ગામે રહેતા જયશ્રીબેન બીપીનભાઈ મકવાણા નામની પરિણીતાને ગત તા. 10 ના રોજ પ્રસૂતિની પીડા ઉપડતા તેમને તાકીદે સિવિલ હોસ્પીટલમાં સારવાર અર્થે દાખલ કરવામાં આવ્યા હતા. ગતરાત્રે તા. 14 તેમને પ્રસુતિની વધુ પીડા ઉપડતા ડીલીવરી કરવામાં આવી હતી. જેમાં સિવિલ હોસ્પિટલના ડો. સાલ્વી કાસુન્દ્રા, ડો. વૈશાલી વડનગરા, તેમજ સ્ટાફના આરતી જયસ્વાલ અને વિજયભાઈએ આ પ્રસૂતાની મહિલાની પ્રસુતિ કરાવી હતી.

પરંતુ આશ્ર્ચર્ય એ વાતનું હતું કે આ પ્રસૂતિએ જે બાળકને જન્મ આપ્યો તે બાળકને માથું જ ન હતું અને આ બાળકનું માથું એકદમ અલ્પ વિકસિત હતું. તેથી તબીબો પણ મૂંઝાયા હતા. જોકે બાળકની તબિયત એકદમ સારી છે. પણ માથું ન હોવાથી આ બાળકને વધુ સારવાર અર્થે રાજકોટ ખસેડાયો છે.

ડિલિવરી કરી ત્યારે જન્મ થયેલા બાળકનું માથું જ ન હતુંઃ ડો. સાલ્વી કાસુન્દ્રા

આ બનાવ અંગે સિવિલ હોસ્પિટલના તબીબ ડો. સાલ્વી કાસુન્દ્રાએ જણાવ્યું હતું કે, પ્રસૂતાની ડિલિવરી કરી ત્યારે જન્મ થયેલા બાળકનું માથું જ ન હતું. કફચ વિટામિનની ખામી અથવા ચેપ લાગ્યો હોય તો પણ આવું બની શકે છે. જોકે અધૂરા દિવસોમાં પ્રસુતિ થઈ છે. સામાન્ય રીતે ગર્ભાવસ્થા દરમિયાન પ્રથમ ત્રણ માસમાં ગર્ભશિશુનું માથું વિકસિત થઈ જતું હોય છે. પણ આ કિસ્સામાં નવીનતા જોવા મળી છે. 

બાળક જીવિત છે, માતાની તબિયાત પણ સારી છે

આ બાળકના જીવ ઉપર પણ આગામી સમયમાં જોખમ રહેલું છે અને આ બાળક મનોવિકલાંગ પણ થઈ શકે તેવી સંભવના છે. જોકે હાલ આ બાળક જીવિત છે અને બાળક સાથે તેની માતાની તબિયત પણ સારી છે. જ્યારે જયશ્રીબેનનું આ પ્રથમ સંતાન છે. સગર્ભાવસ્થા દરમિયાન પ્રસુતાઓને લેવી પડતી દવા સરકારી હોસ્પિટલમાં મફત મળતી હોવા છતાં કેટલાક લોકો દવા ન લેતા હોય એવી ખામી થાય છે. આથી તેમણે મહિલઓને સર્ગભાવસ્થા દરમિયાન દવા લેવાની કાળજી લેવા પર ભાર મુક્યો હતો.

સ્ટોરી: હરનીશ જોશી (મોરબી)