રાહત પેકેજ / કોરોના સામે લડવા અમેરિકાએ ભારત કરતા ત્રણ ગણું મોટું રાહત પેકેજ જાહેર કર્યું; પેકેજની રકમ વાંચીને આંખો ફાટી જશે

થોડા દિવસો પહેલાં આ રકમને અમેરિકી સંસદ (કોંગ્રેસ)માંથી મંજૂરી મળી ગઇ હતી. આ રકમથી કોરોનાથી પ્રભાવિત થયેલા ઉદ્યોગોને પ્રોત્સાહન અને નોકરી ગુમાવી ચૂકેલા લોકોને મદદ કરવામાં આવશે.

યુનાઇટેડ કિંગ્ડમમાં વાયરસનો નવો સ્ટ્રેન સામે આવ્યા બાદ સ્થિતિ ગંભીર

યુનાઇટેડ કિંગ્ડમમાં વાયરસનો નવો સ્ટ્રેન સામે આવ્યા બાદ સ્થિતિ ગંભીર છે. અહીં ટિયર-૪ના પ્રતિબંધ છે એટલે બિનજરૂરી દુકાનો, મનોરંજનનાં સાધનો સંપૂર્ણ રીતે બંધ છે. કેટલાક દેશ ટ્રાવેલ બેનને વધુ સખત કરવાની માગણી કરી રહ્યા છે. યુકેના વૈજ્ઞાનિકોએ સરકારને અપીલ કરી છે કે દેશમાં લોકડાઉન લગાવી દેવું જોઇએ. 

કોરોનાના અત્યાર સુધી ૮,૧૧,૪૨,૧૧૩ કેસ સામે આવ્યા છે

દુનિયામાં કોરોનાના અત્યાર સુધી ૮,૧૧,૪૨,૧૧૩ કેસ સામે આવ્યા છે, તેમાંથી ૫,૭૨,૯૧,૨૧૮ લોકો ઠીક થઇ ચૂક્યા છે. મહામારીના કારણે ૧૭,૭૧,૮૮૪ લોકોએ જીવ ગુમાવ્યા છે. 

નવથી દસ મહિનામાં અત્યાર સુધી કોરોના વાયરસમાં જેટલો પણ બદલાવ આવ્યો છે તે મામૂલી છે

બીજી બાજુ WHOના મુખ્ય વૈજ્ઞાનિક ડો. સૌમ્યા સ્વામીનાથને કહ્યું છે કે ભારત સહિત દુનિયાભરમાં બની રહેલી વેક્સિન વાઇરસના નવા રૂપ પર પણ એટલી જ કારગત હશે, જેટલી શરૂઆતના સમયમાં મળેલા સ્વરૂપ પર હતી. નવથી દસ મહિનામાં અત્યાર સુધી કોરોના વાઇરસમાં જેટલો પણ બદલાવ આવ્યો છે તે મામૂલી છે. વાઇરસમાં આવનારાં આ સંભવિત પરિવર્તનને ધ્યાનમાં રાખીને જ વેક્સિન તૈયાર કરાઇ છે.