Asia Cup 2025 / Asia Cup 2025 માં ભારતે છેલ્લી ઘડીએ બે ખેલાડીને ઉડાવ્યા, સુપર-4માં આવી રીતે થશે એન્ટ્રી?

એશિયા કપ 2025માં ભારત અને પાકિસ્તાન ફરી એકવાર એકબીજા સામે ટકરાશે. આ વખતે, બંને ટીમો સુપર-4માં ટકરાઈ રહી છે. ફાઇનલમાં પહોંચવા માટે આ મેચ મહત્વપૂર્ણ છે. આવી સ્થિતિમાં, મોટો પ્રશ્ન એ છે કે ટીમ ઇન્ડિયાની પ્લેઇંગ ઇલેવન શું હશે? આ વખતે પાકિસ્તાન સામે સૂર્યકુમાર યાદવ ક્યાં ખેલાડીઓને મેદાનમાં ઉતારશે? અત્યાર સુધીની મેચોમાંથી કરવામાં આવેલા પ્રિડિક્શનના આધારે ટીમ ઇન્ડિયાની પાછલી મેચની પ્લેઇંગ ઇલેવનની તુલનામાં પાકિસ્તાન સામે સુપર-4 મેચમાં બે ફેરફાર થઈ શકે છે. ભારત અને પાકિસ્તાન વચ્ચે સુપર-4 મેચ 21 સપ્ટેમ્બરે છે.

સુપર-4 માટે ટીમ ઈન્ડિયા 2 ફેરફાર કરી શકે છે.

હવે પ્રશ્ન એ છે કે પાકિસ્તાન સામેની સુપર ફોર મેચ માટે ટીમ ઈન્ડિયા કયા બે ફેરફાર કરશે? આ પ્રશ્નનો જવાબ અર્શદીપ સિંહ અને હર્ષિત રાણાની વાપસીમાં છુપાયેલો હોઈ શકે છે. ઓમાન સામેની અંતિમ ગ્રુપ મેચમાં બંને ખેલાડીઓને તક આપવામાં આવી હતી, જ્યારે તેમના સ્થાને જસપ્રીત બુમરાહ અને વરુણ ચક્રવર્તીને આરામ આપવામાં આવ્યો હતો. જોકે, એવી અપેક્ષા રાખવામાં આવે છે કે બુમરાહ અને વરુણ પાકિસ્તાન સામેની સુપર ફોર મેચ માટે ટીમ ઈન્ડિયામાં પાછા આવી શકે છે.

બુમરાહ અને વરુણ પાછા આવી શકે છે

જો પાકિસ્તાન સામેની સુપર 4 મેચ માટે બુમરાહ અને વરુણને પ્લેઇંગ ઇલેવનમાં સામેલ કરવામાં આવે છે , તો તેઓ અર્શદીપ સિંહ અને હર્ષિત રાણાનું સ્થાન લેશે. જો આવું થાય, તો ભારત ફરીથી ગ્રુપ સ્ટેજની મેચની જેમ જ પ્લેઇંગ ઇલેવન સાથે પાકિસ્તાનનો સામનો કરશે.

વધુ વાંચો: એશિયા કપની વચ્ચે ટીમ ઈન્ડિયાને મોટો ફટકો, આ ખેલાડીને માથામાં વાગ્યો બોલ, હવે રમવા પર સસ્પેન્સ

અભિષેક શર્મા અને શુભમન ગિલ ઇનિંગ્સ ઓપનિંગ કરવાની જવાબદારી સંભાળશે. સૂર્યકુમાર યાદવ પહેલા ડાઉન હશે, ત્યારબાદ તિલક વર્મા, સંજુ સેમસન, હાર્દિક પંડ્યા, શિવમ દુબે અને અક્ષર પટેલ હશે. ભારતીય બોલિંગ આક્રમણમાં નિષ્ણાત સ્પિનરો વરુણ ચક્રવર્તી અને કુલદીપ યાદવ હશે, જ્યારે જસપ્રીત બુમરાહ ફાસ્ટ બોલિંગ આક્રમણનો એકમાત્ર આગેવાન હશે. બુમરાહને ઓલરાઉન્ડર પંડ્યા અને દુબેનો સાથ મળશે.

આ પાકિસ્તાન સામે પ્લેઇંગ 11 હોઈ શકે છે

અભિષેક શર્મા, શુભમન ગિલ, સૂર્યકુમાર યાદવ (કેપ્ટન), તિલક વર્મા, સંજુ સેમસન, હાર્દિક પંડ્યા, શિવમ દુબે, અક્ષર પટેલ, વરુણ ચક્રવર્તી, કુલદીપ યાદવ, જસપ્રિત બુમરાહ

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ