સપાટો / અમદાવાદના સરદારનગરમાં પાન સેન્ટરની આડમાં ‌ચાલતા બિયર બાર પર ત્રાટકી ક્રાઇમ બ્રાન્ચ, બુટલેગરને પકડવા ચક્રો ગ‌તિમાન

• આઇસ બોક્સમાંથી ક્રાઇમ બ્રાંચને દારૂની બોટલ જપ્ત કરી
• બુટલેગરે પાન સેન્ટરની આડમાં ‌બિયર બાર શરૂ કર્યો હતો
• ઠંડાં પીણાંની આડમાં દારૂનો ખુલ્લેઆમ ધંધો 

પાન પાર્લરને બિયર બાર બનાવી દીધો હોવાની ઘટનાનો પર્દાફાશ ક્રાઇમ બ્રાંચે કર્યો છે. અમદાવાદના સરદારનગર વિસ્તારમાં હ‌િરયાળી પાન સેન્ટરની આડમાં ચાલતા દારૂના અડ્ડા પર ક્રાઇમ બ્રાંચ ત્રાટકી હતી અને દારૂનો જથ્થો જપ્ત કર્યો હતો. ઓઇસ બોક્સમાંથી ક્રાઇમ બ્રાંચને દારૂની બોટલ તેમજ બિયરનાં ટીન મળી આવ્યાં છે. દારૂ‌ડિયાઓ ટોળું કરીને ઊભા હતા ત્યારે ક્રાઇમ બ્રાંચ ત્રાટકી હતી, જેથી તમામ દારૂ‌ડિયાઓ નાસી છૂટ્યા હતા. બુટલેગરે પાન સેન્ટરની આડમાં ‌બિયર બાર શરૂ કર્યો હતો, જ્યાં તે દારૂ‌ડિયાઓ પાસેથી મનફાવે તેવા રૂપિયા લઇને દારૂ પીવાની સુવિધા આપતો હતા. ક્રાઇમ બ્રાંચે રેડ કરતાં બુટલેગર પણ દારૂ‌ડિયાઓ સાથે નાસી છૂટ્યો હતો. ક્રાઇમ બ્રાંચની ટીમને બાતમી મળી હતી કે સરદારનગર વિસ્તારમાં આવેલા હ‌િરયાળી પાન પાર્લરમાં ઠંડાં પીણાંની આડમાં દારૂનો ખુલ્લેઆમ ધંધો થઇ રહ્યો છે. બાતમીના આધારે ક્રાઇમ બ્રાંચની ટીમ છારાનગર રોડ પર આવેલા હ‌િરયાળી પાન સેન્ટર પાસે પહોંચી ગઇ હતી. 

બુટલેગર્સ પોતાના ઘરમાં બેસાડીને દારૂ પીવડાવે ?
પાન સેન્ટર પાસે દારૂ‌ડિયાઓનું ટોળું ઊભું હતું, જે ક્રાઇમ બ્રાંચને જોઇને નાસી ગયું હતું. ક્રાઇમ બ્રાંચે પાન સેન્ટરમાં પહોંચીને તપાસ કરી તો આઇસ બોક્સમાં દારૂની બોટલો મળી આવી હતી. ક્રાઇમ બ્રાંચને 86 દારૂ અને બિયરની બોટલો મળી આવી હતી. ક્રાઇમ બ્રાંચે તપાસ કરી તો આ પાન સેન્ટરનો મા‌લિક રીપેશ ઉર્ફે લુકડી ધીરસિંહ માંચરેક છે. ક્રાઇમ બ્રાંચે રીપેશ વિરુદ્ધ ગુનો દાખલ કરી તેને ઝડપી પાડવા માટે ચક્રો ગતિમાન કર્યાં છે. પાન પાર્લર ખાલી નામનું હતું, જેની આડમાં રીપેશ દારૂનો ધંધો કરતો હતો. દારૂ‌ડિયાઓને તે પાન પાર્લરમાં દારૂ પીવાની પણ સુવિધા આપતો હતો. પાન પાર્લરને રીપેશે દારૂનો બાર બનાવી દીધો હોવાનું સામે આવ્યું છે. ઉલ્લેખનીય છે કે સરદારનગર અને કુબેરનગરની કેટલીક જગ્યાઓમાં પાન પાર્લરની આડમાં દારૂના અડ્ડા ધમધમી રહ્યા છે ત્યારે કેટલાક બુટલેગર્સ પોતાના ઘરમાં બેસાડીને દારૂ પીવડાવે છે. 

કાર્યવાહી કરવામાં આંખ આડા કાન
સ્થાનિક પોલીસ તેમજ પોલીસ એજન્સીઓ ઘણી વખત બુટલેગર વિરુદ્ધ કાર્યવાહી કરવામાં આંખ આડા કાન કરે છે. ક્રાઇમ બ્રાંચે રીપેશને ઝડપી પાડવા માટે ચક્રો ગ‌િતમાન કર્યાં છે. સૂત્રોના જણાવ્યા અનુસાર રીપેશને દારૂ સરદારનગરના મોટા ગજાના બુટલગરે આપ્યો હતો.