ટેક્નોલોજી / WhatsApp યુઝર્સ સાવધાન! સરકારે સિક્યોરિટી એલર્ટ જાહેર કર્યું, ભૂલથી પણ ઇગ્નોર ન કરતા

સૌથી વધુ વપરાશમાં લેવાતી ઇન્સ્ટન્ટ મેસેજિંગ એપ્લિકેશન WhatsApp તેના યુઝર્સની સુરક્ષાને ધ્યાનમાં રાખીને અલગ અલગ સેફટી ફીચર્સ બહાર પાડતી રહે છે. વોટ્સએપ ઉપરાંત ભારત સરકાર લોકોની સુરક્ષા પર પણ ખાસ નજર રાખે છે. ઇલેક્ટ્રોનિક્સ અને માહિતી ટેકનોલોજી મંત્રાલય હેઠળ આવતી ભારતીય કમ્પ્યુટર ઇમરજન્સી રિસ્પોન્સ ટીમ દ્વારા સાયબર સુરક્ષા સંબંધિત ચેતવણીઓ જારી કરવામાં આવે છે. CERT-IN એ ભારતીય WhatsApp વપરાશકર્તાઓ માટે સુરક્ષા ચેતવણી જારી કરી છે.

હાઇ સિક્યોરીટી એલર્ટ

CERT-IN એ WhatsApp યુઝર્સ માટે હાઇ સિક્યોરીટી એલર્ટ જાહેર કર્યું છે. સરકારના મતે WhatsAppમાં કેટલીક ખામીઓ છે જે યુઝર્સની સુરક્ષા પર ખરાબ અસર કરી શકે છે. તેથી CERT-In એ કેટલાક યુઝર્સને ચેતવણી આપી છે અને તેમને કેટલીક બાબતો ધ્યાનમાં રાખવા પણ કહ્યું છે.

આ WhatsApp યુઝર્સ ને ખતરો

ભારત સરકારના મતે કેટલાક WhatsApp યુઝર્સ જોખમમાં હોઈ શકે છે. આવી સ્થિતિમાં કેટલીક બાબતોનું ધ્યાન રાખવું ખૂબ જ મહત્વપૂર્ણ છે. વોટ્સએપમાં કેટલીક સુરક્ષા ખામીઓનો ફાયદો હેકર્સ ઉઠાવી શકે છે. ઉપરાંત વ્યક્તિગત ડેટા પણ ચોરી શકાય છે. જે વોટ્સએપ યુઝર્સ પોતાના પીસી કે લેપટોપ પર ડેસ્કટોપ એપનો ઉપયોગ કરી રહ્યા છે તેમણે સાવધાન રહેવાની જરૂર છે. પીસી પર ડેસ્કટોપ એપ્સ ઇન્સ્ટોલ કરવાથી યુઝર્સના ડેટાની ચોરી થવાનું જોખમ રહેલું છે.

વધુ વાંચો: હવે ઘરે બેઠાં ઓનલાઇન બુક કરાવો HSRP નંબર પ્લેટ, બસ ફૉલો કરો આ સ્ટેપ્સ

સેફ રહેવા શું કરવું?

વોટ્સએપની સિક્યોરીટી ખામી ટાળવા માટે એપને તાત્કાલિક અપડેટ કરવી જરૂરી છે. નવા અપડેટ્સ દ્વારા ખામીઓ સુધારી શકાય છે. અજાણ્યા લોકોને સંદેશા મોકલશો નહીં. કોઈપણ અજાણ્યા નંબર પરથી આવતા કોઈપણ મેસેજનો જવાબ આપશો નહીં. તે નંબરને ઇગ્નોર અને બ્લોક કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ