સ્પોર્ટ્સ / સૂર્યકુમારનો સિતારો ચમક્યો: T20 રેન્કિંગમાં વર્લ્ડ નંબર-1 બલ્લેબાજ, પાકિસ્તાની સ્ટાર ક્રિકેટરને પછાડ્યો

• ICC એ જાહેર કરી T20 રેન્કિંગ 
• સૂર્ય કુમાર યાદવ નંબર વન ખેલાડી 
• વર્લ્ડ કપમાં જોરદાર ફોર્મમાં છે સૂર્યા 

ટી 20 વર્લ્ડ કપમાં ટીમ ઈન્ડિયામાં સૂર્ય કુમાર યાદવ ખૂબ જ જોરદાર પ્રદર્શન કરી રહ્યો છે ત્યારે ICC દ્વારા જાહેર કરવામાં આવતા રેન્કિંગના આંકડામાં પણ સૂર્યાનો દબદબો જોવા મળી રહ્યો છે. 

Suryakumar Yadav becomes no.1 T20I batter in the latest ICC T20I ranking.

(File Pic) pic.twitter.com/08QYObG7RS

— ANI (@ANI) November 2, 2022

પાકિસ્તાની ખેલાડી પછડાયો
વર્લ્ડ કપની વચ્ચે જ ભારત માટે સારા સમાચાર કહી શકાય સૂર્યકુમારે કમાલ કર્યો છે. ICC ટી-20 રેન્કિગમાં સૂર્યકુમાર નંબર વન બલ્લેબાજ બની ગયો છે. પાકિસ્તાનના મોહમ્મદ રિઝવાનને પછાડી યાદવે આ સિદ્ધિ હાંસલ કરી છે. 

ટી-20 રેન્કિંગમાં સૂર્યકુમાર યાદવના પોઇન્ટ વધીને 863 થઈ ગયા છે જ્યારે રિઝવાનના પોઈન્ટ 842 છે. સૂર્યા અત્યારે ખૂબ જ સારી ફોર્મમાં પણ ચાલી રહ્યા છે. 

ત્રણ મેચમાં 134 રન
નોંધનીય છે કે ટીમ ઈન્ડિયા તરફથી વર્લ્ડ કપ 2022માં સૌથી વધારે રન બનાવનાર બલ્લેબાજના લિસ્ટમાં વિરાટ કોહલી બાદ સૂર્યાનો બીજો નંબર આવે છે. ટી 20 વર્લ્ડ કપની શરૂઆતની ત્રણ જ મેચમાં સૂર્ય કુમાર યાદવે 134 રન ફટકાર્યા જેમઆઆ પાકિસ્તાન સામે 15, નેધરલેન્ડ સામે 51 જ્યારે સાઉથ આફ્રિકા સામે 68 રન બનાવ્યા હતા. 

હાર્દિક પંડયા ત્રીજા સ્થાને
જોકે બોલર્સમાં ટોપ 10માં પણ ભારતના કોઈ ખેલાડીનું નામ આવતું નથી, ઓલરાઉન્ડર્સમાં સ્ટાર ગુજરાતી પ્લેયર હાર્દિક પંડ્યા નંબર 3 પર છે.