રાહત / ફિલ્મ ગંગુબાઈ કાઠિયાવાડીને સુપ્રીમકોર્ટની રાહત, કોઈ જ ફેરફાર વગર થશે રીલીઝ

• બોલિવુડ ફિલ્મ ગંગુબાઈ કાઠિયાવાડીની રીલીઝનો મામલો
• ફિલ્મ સામે મનાઈ હુકમની અરજી સુપ્રીમ કોર્ટે પણ ફગાવી
• પીટિશન એક વ્યક્તિ દ્વારા બોમ્બે હાઈકોર્ટમાં પણ કરાઈ હતી

સુપ્રીમ કોર્ટે બોમ્બે હાઈકોર્ટના આદેશને પડકારતી અરજી ફગાવી

બોલિવુડ ફિલ્મ ગંગુબાઈ કાઠિયાવાડી સામે મનાઈ હુકમની અરજી રદ્દ કરતા બોમ્બે હાઈકોર્ટના આદેશને પડકારતી અરજી સુપ્રીમ કોર્ટે પણ ફગાવી દીધી છે. પિટિશન એક વ્યક્તિ દ્વારા દાખલ કરવામાં આવી હતી, જેણે દાવો કર્યો હતો કે તે ગંગુબાઈ કાઠિયાવાડીનો દત્તક પુત્ર છે.

Supreme Court dismisses plea challenging Bombay HC order which rejected petition seeking injunction against Bollywood movie Gangubai Kathiawadi. Petition was filed by a man, who claimed to be adopted son of Gangubai Kathiawadi

— ANI (@ANI) February 24, 2022

ગંગુબાઈના પરિવારે સંજય લીલા ભણસાલી પર લગાવ્યો આરોપ 

ગંગુબાઈના પરિવારે સંજય લીલા ભણસાલીની ફિલ્મ પર આરોપ લગાવ્યો હતો કે તેમણે ફિલ્મમાં યોગ્ય તથ્યો સાથે છેડછાડ કરી છે. ફિલ્મમાં ખોટા તર્ક બતાવવામાં આવ્યાં છે. ગંગૂબાઈના પુત્ર મુજબ તેમની માતા એક સમાજસેવિકા હતી. પરંતુ ફિલ્મની અંદર તેમને વેશ્યા તરીકે બતાવવામાં આવી છે. આ દરમ્યાન ગંગૂબાઈના પરિવારે એવુ પણ કહ્યું કે સંજય લીલાની આ ફિલ્મને લઇને તેમની પાસે કોઈ મંજૂરી માંગવામાં આવી નથી. તો એવુ પણ જણાવવામાં આવ્યું છે કે જ્યારે ગંગૂબાઈ પર બુક લખવામાં આવી ત્યારે પણ તેના પરિવારની મંજૂરી લેવામાં આવી નહોતી. 

કોર્ટમાં મામલો પેન્ડિંગ

બોમ્બે હાઈકોર્ટે ગંગૂબાઈ કાઠિયાવાડીની રિલીઝ પર પ્રતિબંધ લગાવવાનો ઈન્કાર કર્યો અને ફિલ્મ નિર્માતાઓની સામે ગુનાહિત માનહાનિની કાર્યવાહી પર વચગાળાનો સ્ટે આપ્યો હતો. આ મામલો કોર્ટમાં પેન્ડિંગ છે. મીડિયાના એક રિપોર્ટ મુજબ, બાબૂ રાવજી શાહે પોતાની નારાજગી દર્શાવી છે. તેમણે કહ્યું, મારી માતાને વેશ્યા બનાવી દેવામાં આવી છે. લોકો હવે મારી માં વિશે બિનજરૂરી વાતો કરી રહ્યાં છે.