ઉજ્જૈન / દીકરાએ બુક કરી દીધો સિનેમા હૉલ, ટ્રેક્ટર-કારના કાફલા સાથે આખું ગામ ગદર-2 જોવા પહોંચ્યું

• ફિલ્મ 'ગદર 2' એ દરેક જગ્યાએ ધૂમ મચાવી દીધી છે
• પિતાની યાદમાં આખા ગામને ફિલ્મ 'ગદર 2' બતાવી 
• લક્ષ્મીનારાયણ જાટ સની દેઓલના મોટા ફેન હતા

Gadar 2 Movie Craze :આ દિવસોમાં સની દેઓલની ફિલ્મ 'ગદર 2' એ દરેક જગ્યાએ ધૂમ મચાવી દીધી છે. ફિલ્મ માટે ચાહકોમાં અલગ જ ક્રેઝ જોવા મળી રહ્યો છે. 'ગદર 2' જોવા માટે સિનેમાઘરોમાં ભારે ભીડ જોવા મળી રહી છે પણ શું તમે ક્યારેય કોઈ એવા વ્યક્તિને જોયા છે જે તેના પિતાની યાદમાં આખા ગામને ધામધૂમથી ફિલ્મ બતાવવા માટે ટ્રેક્ટરમાં પીવીઆરમાં લઈ જાય. આવો જ એક કિસ્સો ઉજ્જૈનમાંથી સામે આવ્યો છે જેમાં એક પુત્રએ તેના પિતાની યાદમાં આખા ગામને ગદર 2 ફિલ્મ બતાવી.

આખું ગામ નીકળ્યું... ગડ્ડી લેકે...#ujjain #village #people #gadar2 #vtvcard #vtvgujarati pic.twitter.com/pmueUOh6zm

— VTV Gujarati News and Beyond (@VtvGujarati) August 19, 2023

લક્ષ્મીનારાયણ જાટ સની દેઓલના મોટા ફેન હતા
ઉજ્જૈન જિલ્લાના ઘાટિયા તહસીલના બકાનિયા ગામમાં રહેતા લક્ષ્મીનારાયણ જાટ સની દેઓલના મોટા ફેન હતા અને સની દેઓલથી પ્રેરિત થઈને લક્ષ્મીનારાયણે ગદરમાં સની દેઓલ દ્વારા ભજવવામાં આવેલા પાત્રનો ગેટઅપ અપનાવી લીધો હતો. આ સાથે જ ગામના લોકો લક્ષ્મીનારાયણને ગદર શેઠના નામથી બોલાવતા હતા.

કોસ્મોસ મોલમાં PVR બુકિંગ
થયું એવું કે લક્ષ્મીનારાયણ ગદર 2 જોવા માટે ઉત્સુક હતા પણ ફિલ્મ રિલીઝ થઈ એ પહેલા એમનું અવસાન થયું હતું. પિતાનું સપનું પૂરું કરવા માટે લક્ષ્મી નારાયણના પુત્ર ધર્મેન્દ્ર જાટે આખા ગામને સની દેઓલની ગદર-2 બતાવવાનું નક્કી કર્યું અને PVR બુક કરવા માટે ઉજ્જૈનના કોસ્મોસ મોલમાં ગયો પણ એક સાથે આટલા બધા લોકો માટે ટિકિટ બુક કરાવી શક્યો નહીં. આ પછી ધર્મેન્દ્રએ સેવર સ્થિત મોતી પીવીઆરમાં ટિકિટ બુક કરાવી અને ડીજે સાથે ફિલ્મ ગદર-2ના ગીતો વગાડતા આખા ગામના લોકો ફિલ્મ જોવા સિનેમા હોલ પહોંચ્યા હતા.

બકનિયા ગામની તસવીરો અને વીડિયો પણ સામે આવ્યા છે, જેમાં જોઈ શકાય છે કે તમામ ગામના લોકો ઉત્સાહ સાથે ગદર 2 જોવા જઈ રહ્યા છે. ટ્રેક્ટરોની લાંબી કતારો જોવા મળી રહી છે અને લોકોએ ટ્રેક્ટર પર તિરંગા પણ લગાવ્યા છે. બધા ગામ લોકો ગદર અને ગદર 2 ના ગીતો પર નાચતા નાચતા સિનેમા હોલ પહોંચ્યા.

Ye jashn hai khaas, kyun ki India ki asli movie ko mila hai saari duniya ka pyaar! 🫶🏻#IndianCinemasDreamWeekend

Book your tickets!
🔗 - https://t.co/UhUvwuiyhq#Gadar2 in cinemas now. 🎞️ pic.twitter.com/oU8mCrQfXB

— GadarOfficial (@Gadar_Official) August 19, 2023

ગદર 2એ ભારતીય બોક્સ ઓફિસ કલેક્શન પર 300 કરોડનો આંકડો પાર કર્યો 
દિવસ 1 - રૂ 40.10 કરોડ
દિવસ 2 - રૂ 43.08 કરોડ
દિવસ 3 - રૂ 51.70 કરોડ 
દિવસ 4 - રૂ 78.70 કરોડ 
દિવસ 5- રૂ 55.40 કરોડ
દિવસ 6 - રૂ 32.37 કરોડ 
દિવસ 7 - રૂ 23.28 કરોડ 
દિવસ 8 - રૂ 20.50 કરોડ 
કુલ કલેક્શન- રૂ. 305.13 કરોડ