Stock Market / શેર બજારમાં રોકાણકારો રાતા પાણીએ રડ્યા, સતત પાંચમા દિવસે પણ ધબડકો, સેંસેક્સ તળીયે પહોંચ્યો

શેર બજારમાં મોટો ધબડકો સતત પાંચમા દિવસે પણ ચાલું રહ્યો હતો. અઠવાડીયાના પ્રથમ દિવસે પણ સ્ટોક માર્કેટમાં રોકાણકારોને ભારે નુકસાન ઉઠાવવું પડ્યું હતું. બિઝનેસ લાલ નિશાન પર શરૂ થયો અને દિવસભર ભૂંડી રીતે તૂટતો રહ્યો હતો. અંતમાં શેર બજાર લાલ નિશાન પર બંધ થયો હતો. મુંબઈ સ્ટોક એક્સચેંજના 30 શેરવાલા સેંસેક્સે ફરી એક વાર મોટો ધબડકો કર્યો હતો. તે 1546 પોઈન્ટ ગગડીને 57,491ના સ્તર પર બંધ રહ્યો હતો. સાથે જ સોમવારના દિવસે પણ નેશનલ સ્ટોક એક્સચેંજના નિફ્ટી સૂચકાંક માટે પણ ખૂબ જ ખરાબ રહ્યો હતો. તેની સાથે બિઝનેસ દરમિયાન 17,003ના નિચલા સ્તરે પહોંચી ગયો હતો.

નિફ્ટીમાં આવી 468 પોઈન્ટની પછડાટ

 NCE ના નિફ્ટી બિઝનેસના અંતમાં 468 પોઈન્ટ તૂટીને 17,149ના સ્તર પર બંધ થયો હતો. આ અગાઉ નબળા વૈશ્વિક સંકેતોના કારણે શેર બજાર લાલ નિશાન પર ખુલ્યું હતું. સેંસેક્સ 181.51 અંક અથવા 0.31 ટકા તૂટીને 58856ના સ્તર પર, જ્યારે નેશનલ સ્ટોક એક્સચેંજનો સૂચકાંક નિફ્ટી 61.70 અંક અથવા 0.35 ટકાના ધબડકાં સાથે 17555 પર ખુલ્યો હતો. દિવસના બિઝનેસ દરમિયાન બીએસઈનો સેંસેક્સ 1900 પોઈન્ટ તૂટીને 57,164ના સ્તર પર પહોંચી ગયો હતો. જ્યારે નિફ્ટીએ 550 પોઈન્ટની કમી સાથે 17003ના સ્તરને ટચ કર્યું હતું.

પાંચ દિવસના ધોબી પછાડ પર નજર

અહીં ઉલ્લેખનીય છે કે, ભારતીય શેર બજારમાં સતત પાંચ દિવસથી પછડાટ ચાલી રહી છે. અઠવાડીયાના પ્રથમ દિવસ સોમવારે શેર બજારમાં આવેલી પછડાટ આ પાંચ દિવસમાં સૌથી વધારે છે. વિતેલા દિવસોમાં મુંબઈ સ્ટોક એક્સચેંજના સૂચકાંક સેંસેક્સમાં આવેલી પછડાટના આંકડા પર નજર દોડાવીએ તો, ગત મંગળવારે તેમાં 554, બુધવારે 656, ગુરૂવારે 634 અને શુક્રવારે 427 અંકની પછડાટ જોવા મળી હતી. આજે સેંસેક્સ સૂચકાંકના તમામ 30 શેર દિવસભર લાલ નિશાન પર બિઝનેસ કરતાં દેખાયા હતાં. બિઝનેસ દરમિયાન નાયકા, જૌમેટો અને પેટીએમ જેવી કંપનીઓના શેર સૌથી વધારે તૂટનારા શેરમાં ટોચ પર રહ્યા હતાં.

રોકાણકારો રાતા પાણી રોયાં

આપને જણાવી દઈએ કે, સોમવારે બજાર ખુલતાંની સાથે જ લગભગ 1126 શેરમાં ઉછાળો આવ્યો હતો, જ્યારે 1175 શેરમાં ધબડકો અને 131 શેરમાં કોઈ ફેરફાર થયો નહોતો. આજે આવેલી પછડાટના કારણે રોકાણકારોને લગભગ 11 લાખ કરોડનું નુકસાન વેઠવાનો વારો આવ્યો હતો. ગત અઠવાડીયે શુક્રવારે માર્કેટ કેપ 270 લાખ કરોડ રૂપિયા હતું, જે સોમવારે ઘટીને 259 લાખ કરોડ રૂપિયા થઈ ગયું છે. બજાજ ફાઈનાન્સ, ટેક મહિન્દ્રા, ટાટા સ્ટીલ, ટાઈટન અને વિપ્રોના સ્ટોક 4 ટકા તૂટી ગયો. જણાવી દઈએ કે, એક અઠવાડીયામાં માર્કેટ કૈપ 21 લાક કરોડ રૂપિયા સુધી ઘટી ગયું છે.