દરોડા / ચીખલીના સમરોલી ગામે સ્ટેટ વિઝીલન્સની ટીમ ત્રાટકી, અધધ બોટલ દારૂ સાથે માતા,પુત્રની ધરપકડ, 4 વોન્ટેડ

• નવસારીના સમરોલી ગામે સ્ટેટ મોનિટરિંગ સેલના દરોડા
• ચીખલી પોલીસ સ્ટેશન નજીક SMCના દરોડા
• 8.32 લાખના વિદેશી દારૂ સાથે માતા-પુત્રની ધરપકડ

31 ફસ્ટની ઉજવણીમાં દારૂની રેલમછેલ કરી ઉજવણીને રંગીન બનાવવા બૂટલેગરો અનેક પેતરા રચી રહ્યા છે બીજી તરફ પોલીસ પણ રીતસરની મેદાને ઉતરી બુટલેગરોની મહેનત નકામ કરી રહી છે આવી સ્થિતી વચ્ચે નવસારીમાં સ્ટેટ મોનીટરીંગ સેલને દારૂનો જંગી જથ્થો ઝડપી લેવામાં સફળતા સાંપડી છે.

8.32 લાખના વિદેશી દારૂ સાથે માતા-પુત્રની કરી ધરપકડ

નવસારીમાં સ્ટેટ મોનીટરીંગ સેલ દ્વારા સમરોલી ગામેં રેઇડ પાડી હતી આ દરમિયાન બાવીબેન ઠાકોરભાઈ કોળી પટેલ તેમજ બાવીબેનનો પુત્ર ધર્મેશ ઠાકોર પટેલના મકાન આસપાસથી 8.32 લાખનો દારૂનો જથ્થો ઝડપાયો હતો. આરોપીઓએ ઘરની પાછળ આવેલ મરઘાં ફાર્મમાં દારૂનો જથ્થો સંતાડયો હતો. વધુમાં આ પ્રકરણમાં સંડોવાયેલ માતા પુત્રની ધરપકડ કરાઈ છે. જ્યારે 4 જેટલા શખ્સોને વોન્ટેડ જાહેર કરાયા છે.

પોલીસે માતા-પુત્રની કરી ધરપકડ અન્ય 4 શખ્યો થયા ફરાર

આ પ્રકરણમાં અજય ઉર્ફે અજય રૂમલા, એલેક્સ ચંદ્રકાંત હળપતિ, તેમજ દારૂનો જથ્થો મંગાવનાર સૂરજ ઉર્ફે બાબુ અને જલુની સંડોવણી ખુકતા તેને વોન્ટેડ જાહેર કરાયા છે.પોલીસે ચીખલી પોલીસની નાક નીચેથી દારૂનો મસમોટો જથ્થો ઝડપી લેતા ચીખલી પોલીસ પણ ઊંઘતી ઝડપાઈ હતી.