ગાંધીનગર / આજે ગુજરાત સરકારની કેબિનેટ બેઠક, HMPVના નિયંત્રણ સહિતના મુદ્દાઓ પર થશે ચર્ચા

આજે રાજય સરકારની કેબિનેટની બેઠક મળનાર છે. આ બેઠકમાં HMPV ના નિયંત્રણ માટે તકેદારીનાં પગલાની ચર્ચા કરવામાં આવશે. તેમજ આરોગ્ય વિભાગ તેઓનો રિપોર્ટ રજૂ કરશે. તેમજ બનાસકાંઠા જીલ્લાનાં વિભાજન પછી ઉભી થયેલી સ્થિતિની સમીક્ષા પણ કરવામાં આવનાર છે. તેમજ વાવ-થરાદ જીલ્લામાં ન જોડાવવા થયેલી રજૂઆતો અંગે ચર્ચા પણ કરવામાં આવશે.

વિધાનસભા સત્રની તારીખ જાહેર થઈ શકે છે

તેમજ અમરેલીમાં પાટીદાર દીકરીનાં વિવાદનાં મુદ્દાની પણ ચર્ચા કરવામાં આવનાર છે. જ્યારે આગામી સમયમાં યોજાનાર સ્થાનિક સ્વરાજ્યની ચૂંટણીઓ અને વિધાનસભા સત્રને લઈને ચર્ચા કરવામાં આવશે. તેમજ કેબિનેટ બેઠક બાદ વિધાનસભા સત્રની તારીખ જાહેર થઈ શકે છે.

• વાયરસથી બચવા શું કરવું
• જ્યારે ઉધરસ અથવા છીક આવે ત્યારે મોઢું અને નાકને રૂમાલ અથવા ટિસ્યુથી ઢાંકવું
• નિયમિત રીતે હાથ સાબુ અને પાણીથી ધોવાં કે સેનેટાઈઝરનો ઉપયોગ કરવો.
• ભીડભાડવાળા સ્થળોથી દૂર રહેવું અને ફલૂથી પીડિત વ્યક્તિઓથી ઓછામાં ઓછું એક હાથનું અંતર
• રાખવું
• તાવ, ઉધરસ કે છીંક આવે છે તો જાહેર સ્થળો પર જવાનું ટાળવું.
• વધુ પાણી પીવું અને પૌષ્ટિક ખોરાક ખાવો.
• પ્રબળ પ્રતિરોધક શક્તિ માટે પુરતી ઊંઘ લેવી.
• બીમારીઓ ફેલાતી અટકાવવા માટે યોગ્ય વેન્ટિલેશન વાળા વાતાવરણમાં રહેવું
• શ્વસનને લગતા લક્ષણો જણાય તો ઘરમાં જ રહેવું. બીજાઓ સાથે સંપર્ક મર્યાદિત કરવો અને તાત્કાલિક નજીકના સરકારી દવાખાનાનો સંપર્ક કરવો.

વધુ વાંચોઃ રાજ્યમાં નવા મેજર-માઈનોર બ્રિજ બનશે, સાંકડા બ્રિજને પહોળા કરાશે, CM ભૂપેન્દ્ર પટેલે 779 કરોડ કર્યા મંજૂર

શું ન કરવું

• આવશ્યક ના હોય તો આંખ, નાક કે મોઢાને સ્પર્શ કરવાનું ટાળો
• ચેપ ગ્રરત વ્યક્તિએ વ્યક્તિયત ચીજવસ્તુઓ જેમ કે ટુવાલ, માલ અથવા અન્ય વાસણો બીજા વ્યક્તિના સંપર્કમાં કે ઉપયોગમાં ના આવે તેનું ધ્યાન રાખવું
• જાતે દવા લેવાનું ટાળવું, લક્ષણોમાં વધારો દેખાય તો આરોગ્ય કર્મચારીનો સંપર્ક કરવો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ