સ્પોર્ટ્સ / મહિલા વર્લ્ડ કપ 2025 જીતતા ટીમ ઈન્ડિયા પર પૈસાનો વરસાદ, ICC એ આપ્યું અધધ 1,225,000,000 કરોડનું ઇનામ

India Women Cricket Team World Cup Prize Money: ભારતીય મહિલા ક્રિકેટ ટીમ 2025ના વર્લ્ડ કપમાં દક્ષિણ આફ્રિકાને 52 રનથી હરાવીને પહેલીવાર World Champion બની. ગઇકાલે રવિવારે 2 નવેમ્બરની રાત્રે નાવી મુંબઈના ડીવાય પાટિલ સ્ટેડિયમમાં રમાયેલી આ ફાઇનલમાં ભારતે પહેલા બેટિંગ કરતા 7 વિકેટે 298 રન બનાવ્યા અને પછી દક્ષિણ આફ્રિકાને 246 રનમાં પેવેલિયન ભેગું કરી દીધું. 2005 અને 2017ની હાર બાદ આખરે ભારતે 52 વર્ષના અંતે આખરે ઐતિહાસિક સિદ્ધિ હાંસલ કરી છે.

ICCએ કર્યો પ્રાઇઝ મનીમાં ઐતિહાસિક વધારો

આ વખતે ICCએ ઇતિહાસ રચતા કુલ ₹122.5 કરોડ (US$4.48 મિલિયન)ની ઇનામી રકમ જાહેર કરી. વિજેતા ભારતને ₹39.55 કરોડ, જ્યારે રનર-અપ દક્ષિણ આફ્રિકાને ₹19.77 કરોડ મળ્યા. સેમિફાઇનલમાં હારેલી ઓસ્ટ્રેલિયા અને ઇંગ્લેન્ડને ₹9.89 કરોડ મળ્યા. બાકી ટીમોને તેમની રેન્કિંગ મુજબ ₹2.2 મિલિયનથી ₹6.2 મિલિયન વચ્ચેની ઇનામી રકમ અપાઈ. મહિલા ક્રિકેટના ઇતિહાસમાં આ સૌથી મોટું ઇનામી વિતરણ ગણાય છે.

શેફાલી વર્મા અને દીપ્તિ શર્માની ધમાકેદાર રમત

ફાઇનલમાં ટીમ ઈન્ડિયાની જીતનો મુખ્ય આધાર રહ્યો શેફાલી વર્માનો અને દીપ્તિ શર્માનું ઓલરાઉન્ડ પરફોર્મન્સ. શેફાલીએ 78 બોલમાં 87 રન બનાવી ધમાલ મચાવી, તેમજ બે મહત્વની વિકેટો ઝડપી. દીપ્તિ શર્માએ બોલિંગમાં જાદૂ બતાવીને પાંચ વિકેટ લીધી, જેમાં દક્ષિણ આફ્રિકાની કેપ્ટન લૌરા વોલ્વાર્ડની સદી ઇનિંગનો અંત પણ શામેલ હતો.

વધુ વાંચો:

વિજયની ઉજવણી અને દેશભરમાં ખુશી

દીપ્તિની બોલિંગમાં હરમનપ્રીતે કેચ પકડતા જ આખું સ્ટેડિયમ ખુશીમાં ઝૂમી ઉઠ્યું. ભારતના દરેક ખૂણે આ ઐતિહાસિક જીતની ઉજવણી થઈ રહી છે. સોશિયલ મીડિયા પર #WomenInBlue, #WorldCup2025 અને #ShePowerIndia જેવા હેશટેગ ટ્રેન્ડ થઈ રહ્યા છે. આ જીતથી મહિલા ક્રિકેટના નવા યુગની શરૂઆત થઈ છે, જેમાં ભારત વિશ્વના ટોચ પર પહોંચ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ