2010માં મીત વૈદ્ય અને હરીશ ચુડાસમા પર કરાયો હતો હુમલો
ગીર સોમનાથથી એક મોટા સમાચાર સામે આવી રહ્યા છે. વર્ષ 2010ના કેસમાં માળિયા-હાટીના કોર્ટે કોંગ્રેસના ધારાસભ્ય વિમલ ચુડાસમા સહિત 3 લોકોને 6 મહિનાની સજા ફટકારી છે. મહત્વનું છે કે, 2010માં મીત વૈધ અને હરીશ ચુડાસમાં પર હુમલો કરાયો હતો. આ કેસમાં માળિયા કોર્ટે વિમલ ચુડાસમા સહિત 3 મળતીયાઓને 6 માસની સજા ફટકારી છે.
જાણો શું હતો સમગ્ર કેસ?
કોંગ્રેસના ધારાસભ્ય વિમલ ચુડાસમાને 2010ના મારામારીના કેસમાં કોર્ટે તેમને દોષિત જાહેર કરતા 6 મહિનાની સજા ફટકારી છે. તમને જણાવી દઇએ કે, 2010માં માળિયા તાલુકામાં મારામારીની એક ઘટના ઘટી હતી. જેમાં વિમલ ચુડાસમાને આરોપી તરીકે દર્શાવવામાં આવ્યા હતાં.
2010માં હોલીડે કેમ્પ ખાતે કોઈ મામલાને લઈને મીત વૈધ અને હરીશ ચુડાસમા પર વિમલ ચુડાસમાએ હુમલો કર્યો હતો. ત્યારે આ મામલે કેસ માળિયા કોર્ટમાં ચાલી રહ્યો હતો. જેની આજે કોર્ટે સુનાવણી હાથ ધરતાં વિમલ ચુડાસમાને દોષિત જાહેર કર્યાં છે. જેમાં કોર્ટે વિમલ ચુડાસમા સહિત 3 મળતિયાઓને 6 માસની સજા ફટકારી છે.