વાંધાજનક / કોંગ્રેસ નેતાના લટકે ઝટકે વાળા નિવેદન પર સ્મૃતિ ઈરાનીની તીખી પ્રતિક્રિયા, અમેઠીને લઈ રાહુલ ગાંધીને કરી દીધી આ મોટી ચેલેન્જ

• પ્રદેશ કોંગ્રેસ નેતા અજય રાયના નિવેદનને લઈ વિવાદ વકર્યો
• ખુદ સ્મૃતિ ઈરાનીએ ટ્વીટ થકી આપ્યો જવાબ 
• હું ખાતરીપૂર્વક કહી શકું કે તમે અમેઠીમાંથી ચૂંટણી લડશો? સ્મૃતિ ઈરાની

અમેઠીના પ્રદેશ કોંગ્રેસ નેતા અજય રાયે સ્મૃતિ ઈરાની પર વિવાદિત નિવેદન આપ્યું હતું. જેને લઈને હવે વિવાદ વકર્યો છે. બીજી બાજુ અજય રાયના નિવેદન પર ખુદ સ્મૃતિ ઈરાનીએ ટ્વીટ થકી જવાબ આપ્યો કે 'મેં સાંભળ્યું છે કે રાહુલ ગાંધી તમે તમારા નેતા પાસેથી 2024માં અમેઠીથી ચૂંટણી લડવાની જાહેરાત કરાવી છે. જેથી હું ખાતરીપૂર્વક કહી શકું કે તમે અમેઠીમાંથી ચૂંટણી લડશો?  શું તમે બીજી સીટ પર તો નહીં દોડો ને?  કોંગ્રેસ નેતા અજય રાયે પત્રકાર પરિષદમાં જણાવ્યું હતું કે અમેઠી ગાંધી પરિવારની બેઠક હતી છે અને રહેશે. તેમણે આ વિસ્તારને વિકાસનો પંથ આપ્યો છે.અમેઠીના લોકો માટે ઔદ્યોગિક વિસ્તારોનો વિકાસ કર્યો છે.

રાહુલ ગાંધી 2024માં અમેઠીથી ચૂંટણી લડી ફરી  સીટ મેળવે તેવી કાર્યકરોની માંગ

વધુમાં સ્મૃતિ ઈરાની વિરુદ્ધ અજય રાયે કહ્યું હતું કે કેન્દ્રીય મંત્રીઓ દેખાડો કરવા અમેઠી આવે છે. વધુમાં કોઈ કામ ન કરતા હોવાનો પણ દાવો કર્યો હતો. અત્રે ઉલ્લેખનીય છે કે સ્મૃતિ ઈરાનીએ 2019ની લોકસભા ચૂંટણીમાં કોંગ્રેસનો ગઢ પોતાના નામે કર્યો હતો. રાહુલ ગાંધી અમેઠીમાં જ હાર્યા હતા.અજય રાયે વધુમાં કહ્યું કે હવે અમેઠીમાં તમામ કારખાનાઓ બંધ થવાના આરે છે.જેથી કોંગ્રેસના કાર્યકરો અને લોકોની માંગ છે કે રાહુલ ગાંધીએ 2024માં અમેઠીથી ચૂંટણી લડી ફરી આ સીટ મળવવી જોઈએ.વધુમાં પૂર્વ ધારાસભ્ય અજય રાયે જણાવ્યું હતું કે  આગામી ચૂંટણીમાં અમે વારાણસીથી વડાપ્રધાન મોદીને હરાવવા માટે પણ કામ કરીશું. આ અમારો પડકાર છે, તેમ અંતમાં જણાવ્યું હતું.

સ્મૃતિ ઈરાની લટકાં- મટકાં કરીને ચાલી જાય છે 

ઉત્તર પ્રદેશ કોંગ્રેસના નેતા અજય રાયે કેન્દ્રીય મંત્રી સ્મૃતિ ઈરાની વિશે વાંધાજનક નિવેદન આપ્યું હતું. પાર્ટીના નેતા અજય રાયે સોમવારે રાજ્યના સોનભદ્ર જિલ્લામાં કહ્યું કે અમેઠીમાં તમામ ફેક્ટરીઓ બંધ છે, પરંતુ સ્મૃતિ ઈરાની લટકાં- મટકાં કરવા અમેઠી આવીને જતી રહી છે. તેમણે કહ્યું કે 2024માં રાહુલ ગાંધી અમેઠીમાંથી ચૂંટણી લડી શકે છે.2024માં બનારસમાં ભાજપને હરાવીને રહીશું2019ની લોકસભાની ચૂંટણીમાં વારાણસીમાંથી પીએમ મોદીની સામે ચૂંટણી લડનાર કોંગ્રેસ નેતા અજય રાયે કહ્યું કે અમે 2024માં બનારસમાં ભાજપને હરાવીને રહીશું. તેમ જણાવ્યું હતું.