તમારા કામનું / મુશ્કેલીમાં ફસાવ તો મોબાઈલ કરશે મદદ, ફોનના આ ફીચર્સ કામ લાગશે

SmartPhone Features : મોબાઈલ આપણા સૌના જીવનનો ભાગ બની ચૂક્યો છે. નાના મોટા કામથી લઈને મહત્વના કામ દરેકમાં મોબાઈલ ઉપયોગી થાય છે. હવે તો ફોનમાં એવા ફીચર્સ આવવા લાગ્યા છે, જે તમને અકસ્માત દરમિયાન પણ બચાવી શકે છે. તમે સમાચારમાં સાંભળ્યું હશે કે એપલના કાર ક્રેશ ફીચરે કોઈનો જીવ બચાવ્યો. તમારા નોર્મલ ફોન્સમાં પણ કેટલાક એવા ફીચર્સ છે, જે ઈમરજન્સી સિચ્યુએશનમાં તમારી મદદ કરી શકે છે.

ઈમરજન્સી SOS
એન્ડ્રોઈડ ફોનમાં રહેલું આ ફીચર કોઈ પણ મુશ્કેલીમાં તમારી મદદ કરી શકે છે. એન્ડ્રોઈડ સ્માર્ટફોન યુઝર્સે આ ફીચરનો અચૂક ઉપયોગ કરવો જોઈએ. આ ફીચરનો ઉપયોગ કરવા માટે સૌથી પહેલા પર્સનલ સેફ્ટી એપમાં ઈમરજન્સી ઈન્ફોર્મેશન સેવ અને શૅર કરી રાખવી જોઈએ. આ ઈમરજન્સી SOS એન્ડ્રોઈડ 12 અથવા તેનાથી અપડેટેડ વર્ઝનમાં જ કામ કરે છે. જો તમે કોઈ મુશ્કેલીમાં છો ત્યારે તમારા ફોનના પાવર બટનને પાંચ વખત દબાવો એટલે આ ફીચર એક્ટિવેટ થઈ જશે. ભૂલથી આ ફીચરનો ઉપયોગ ન થઈ જાય, તે માટે ઈમરજન્સી એક્શન શરૂ થતા પહેલા ફોન તમને 5 સેકન્ડનો સમય પણ આપે છે. જો તમે આ ફીચરનો ઉપયોગ કરો છો, તો તમે આ ફીચરમાં જે નંબર સેવ કર્યા છે, તેમને ફોન એલર્ટ કરે છે કે તમે મુસીબતમાં છો, અને તમારું કરંટ લોકેશન તેમજ વીડિયો રેકોર્ડિંગ પણ શૅર કરી દે છે.

ઈમરજન્સી લોકેશન શેરિંગ
જો તમે એન્ડ્રોઈડ સ્માર્ટફોન યુઝર છો, અને અકસ્માત કે એવી કોઈ સ્થિતિમાં ફસાયા છો, તો તમે ઈમજરન્સીમાં લોકેશન પણ શૅર કરી શકો છો. મુસીબતમાં હોવા દરમિયાન તમારું રેસ્ક્યુ કરવા માટે આ ફીચર ઉપયોગી સાબિત થાય છે. આ ફીચરનો ઉપયોગ કરવા માટે તમારે માત્ર Android Emergency Location Service ઓન કરવાની હોય છે. ઈમરજન્સી લોકેશન શેરિંગ ફીચર એક્ઝેક્ટ લોકેશન માટે ગૂગલનો ઉપયોગ કરે છે. જેથી રેસ્ક્યુ દરમિયાન તમારું લોકેશન મળી શકે. 

ફ્લેશ લાઈટ
તમને થશે કે આ ફીચર ઈમરજન્સીમાં કેવી રીતે કામ લાગે? તો અજાણ્યા વિસ્તારમાં જો તમે અંધારામાં ફસાઈ જાવ છો, તે તેવી સ્થિતિમાં તમે ફ્લેશલાઈટનો ઉપયોગ કરી શકો છો. પરંતુ ધ્યાન રાખો કે ફ્લેશ લાઈટનો સતત ઉપયોગ કરવાથી તમારા ફોનની બેટરી ઝડપથી વપરાય છે. 

બેટરી સેવિંગ મોડ
આ મોડ ખૂબ જ ઉપયોગી છે. જ્યારે પણ તમારા ફોનની બેટરી 20 ટકા કરતા ઓછી થાય છે, તો ફોન જાતે જ આ ફીચર ઓન કરી દે છે. જેનાથી અનનેસેસરી એક્ટિવિટીઝ અટકી જાય છે અને ફોનની બેટરી લાંબો સમય સુધી ચાલે છે. ફોન બેટરી બચાવવા માટે આ ફીચર દ્વારા બ્રાઈટનેસ ઘટાડી દે છે. 

વધુ વાંચો: જો તમે પણ આ બ્રાન્ડનો મોબાઇલ યુઝ કરો છો, તો ચેતી જજો, સરકારે કર્યા એલર્ટ

ઈમરજન્સી બ્રોડકાસ્ટ
દરેક ફોનમાં આ ફીચર હોય જ છે. જો યુઝર કોઈ પરિસ્થિતિમાં ફસાઈ જાય છે, તો આ ફીચરનો ઉપયોગ કરીને નોટિફિકેશન કે એલર્ટ મોકલી શકે છે. આ ફીચરને વાપરવા માટે યુઝર્સે સેટિંગ્સમાં એપ્સ એન્ડ નોટિફિકેશન પર ટેપ કરવાનું છે. પછી એડવાન્સ ઓપ્શનમાં જઈને વાયરલેસ ઈમરજન્સી એલર્ટ પર ટેપ કરવાનું રહે છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો