દુખદ / લગ્નમાંથી પરત ફરતા 6 મુસાફરોને કાળ ભરખી ગયો, રોડ ચિચિયારીઓથી ગૂંજી ઉઠ્યો

ઉત્તર પ્રદેશના હાપુડ જિલ્લામાં ગમખ્વાર અકસ્માત સર્જાયો છે. જ્યાં ધૌલાના-ગુલાવતી રોડ પર એક બસ અને ટ્રક વચ્ચે અથડાતાં છ લોકોના મોત થયા અને અનેક લોકો ઘાયલ થયા. લગ્ન સમારોહમાંથી પરત ફરી રહેલા મુસાફરોને લઈ જતી બસ સામેથી આવી રહેલા ટ્રક સાથે અથડાઈ ત્યારે આ અકસ્માત થયો છે.

બસમાં હતા 12 લોકો સવાર

ઘટનાની માહિતી મળતાં જ પોલીસ ઘટનાસ્થળે પહોંચી ગઈ અને બચાવ અને રાહત કામગીરી શરૂ કરી દીધી. ઘાયલોને તાત્કાલિક નજીકની હોસ્પિટલમાં ખસેડવામાં આવ્યા જ્યાં તેમની સારવાર ચાલી રહી છે. પોલીસના જણાવ્યા અનુસાર બસમાં 12 લોકો સવાર હતા જેમાંથી છ લોકોના ઘટનાસ્થળે જ મોત થયા હતા જ્યારે આઠ લોકો ઘાયલ થયા હતા.

આ પણ વાંચોઃ નારી શક્તિ વંદન સંમેલન: આજે વિજ્ઞાન ભવનમાં PM મોદીનું સંબોધન

હાપુડના પોલીસ અધિક્ષકે જણાવ્યું હતું કે અકસ્માત સ્થળેથી ટ્રકને દૂર કરવામાં આવ્યો છે અને ટ્રાફિક પૂર્વવત કરવામાં આવ્યો છે. મૃતકોના સંબંધીઓ પણ ઘટનાસ્થળે અને હોસ્પિટલમાં પહોંચી ગયા છે. પોલીસે મૃતદેહોનો કબજો લઈ પોસ્ટમોર્ટમ માટે મોકલી આપ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ