મનોરંજન / VIDEO: ફેન્સને માઇકથી માર્યું, ફોન ખેંચીને દૂર ફેંકી દીધો: સિંગર આદિત્ય નારાયણનો વીડિયો વાયરલ, લોકોએ કર્યો ટ્રોલ

•  આદિત્ય નારાયણ તેના ગીતો કરતાં વર્તનને કારણે વધુ ચર્ચામાં રહે છે. 
• આદિત્યનો એક વીડિયો સોશિયલ મીડિયા પર વાયરલ થઈ રહ્યો છે. 
• કોન્સર્ટમાં પરફોર્મન્સ દરમિયાન, આદિત્યએ ફેનનો ફોન ફેંકી દીધો હતો. 

આદિત્ય નારાયણ બોલિવૂડના જાણીતા ગાયક છે, તેઓ એમના ગીતો કરતાં વર્તનને કારણે વધુ ચર્ચામાં રહે છે. એવામાં આદિત્ય ફરી એકવાર સમાચારમાં છે. વાસ્તવમાં આદિત્યનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયો ગાયકના લાઈવ કોન્સર્ટનો છે, જે છત્તીસગઢના ભિલાઈમાં થયો હતો. 

India's greatest singer of all time
Shri Aditya Narayan Ji Snatches phone of a fan and throws it away

Well the fan deserved it for being fan of India's greatest singer of all time pic.twitter.com/jbkW1DStwN

— Eminent Woke (@WokePandemic) February 12, 2024

વાયરલ વિડીયોમાં જોવા મળી રહ્યું છે કે કોન્સર્ટમાં પરફોર્મન્સ દરમિયાન, આદિત્યએ ત્યાં હાજર એક ફેનનો ફોન છીનવી લીધો અને તેને ફેંકી દીધો હતો. જેના પછી લોકો સિંગરના વર્તનથી ખૂબ નારાજ છે અને તેને સતત ટ્રોલ કરી રહ્યા છે. 

સોશિયલ મીડિયા પર વાયરલ થયેલા વીડિયોમાં સ્પષ્ટપણે જોઈ શકાય છે કે ગાયક આદિત્ય નારાયણ સ્ટેજ પર પરફોર્મ કરતા જોવા મળે છે. આ દરમિયાન ગાયક ત્યાં હાજર એક ફેનના હાથ પર પોતાનું માઈક મારે છે અને પછી તે પ્રશંસકના હાથમાંથી ફોન છીનવીને ફેંકી દે છે. આ પછી આદિત્ય ફરીથી સ્ટેજની વચ્ચે પહોંચે છે અને ગાવાનું શરૂ કરે છે. 

Is this act by Aditya Narayan some kind of planned stunt, or he really got triggered so much? pic.twitter.com/CaSAcOpgAv

— Keh Ke Peheno (@coolfunnytshirt) February 12, 2024

જો કે, આ વાયરલ વીડિયોમાં, ગાયકે તેના ફેન્સ સાથે આવું કેમ કર્યું અને તેણે તેનો ફોન કેમ છીનવીને ફેંકી દીધો તે વિશે કંઈ સ્પષ્ટ રીતે જાણી શકાયું નથી. તે જ સમયે, વીડિયો વાયરલ થયા પછી, લોકો આદિત્ય પર ખૂબ ગુસ્સે થઈ રહ્યા છે અને કોમેન્ટ કરીને લોકોએ આદિત્યના વર્તન પર નારાજગી વ્યક્ત કરી હતી. 

જણાવી દઈએ કે આદિત્ય નારાયણ આ પહેલા પણ પોતાના ગેરવર્તણૂકને લઈને ચર્ચામાં રહ્યા છે. તાજેતરમાં જ છત્તીસગઢમાં પણ તેનો વિવાદ થયો હતો. રાયપુરના એરપોર્ટ સ્ટાફ સાથે તેની લડાઈ થઈ હતી, જેના કારણે ગાયક લાંબા સમયથી સમાચારમાં હતો.