તમારા કામનું / સવાર-સવારમાં ઉઠો અને આવા લક્ષણ દેખાય એટલે સમજી જજો કે ડાયાબિટીઝ જ છે, જરાય ઈગ્નોર ન કરતાં

• ડાયાબિટીસ કિડની અને હૃદયના રોગો માટે પણ એક મોટું રિસ્ક ફેક્ટર છે
• શરીરમાં સ્વસ્થ ઇન્સ્યુલિનનું સ્તર તે શુગરને સંતુલિત રાખે છે
• સવારે જોવા મળતા આ સંકેતો પર ધ્યાન આપો

Symptoms of diabetes: ભારતમાં છેલ્લા કેટલાક વર્ષોમાં ડાયાબિટીસના દર્દીઓની સંખ્યામાં જબરદસ્ત વધારો થયો છે. ડાયાબિટીસ એક મેટાબોલિક ડિસઓર્ડર છે જેમાં શરીર કાં તો પૂરતા પ્રમાણમાં ઇન્સ્યુલિન ઉત્પન્ન કરતું નથી અથવા તેનો યોગ્ય રીતે ઉપયોગ કરવામાં મુશ્કેલી પડે છે. તેના પરિણામે શરીરમાં ઇન્સ્યુલિનની ઉણપને કારણે, ખાંડનું સ્તર વધવા લાગે છે, જે કિડની, ત્વચા, હૃદય, આંખો અને એકંદર આરોગ્યને અસર કરે છે.

ડાયાબિટીસ કોઈપણ ઉંમરે થઈ શકે છે પરંતુ બાળકો, કિશોરો અને યુવાન વયસ્કોને ટાઇપ 1 ડાયાબિટીસથી વધુ અસર થાય છે જ્યારે ટાઇપ 2 ડાયાબિટીસ 40 વર્ષની ઉંમર પછી પુખ્ત વયના લોકોમાં વધુ જોવા મળે છે. આ રોગ કિડની અને હૃદયના રોગો માટે પણ એક મોટું રિસ્ક ફેક્ટર છે.

શું તમે જાણો છો કે આપણા બધામાં બ્લડ સુગરમાં સતત વધઘટ થતી રહે છે પરંતુ આપણે તેનો ખ્યાલ રાખતા જ નથી કારણ કે શરીરમાં સ્વસ્થ ઇન્સ્યુલિનનું સ્તર તે શુગરને સંતુલિત રાખે છે.

હકીકતમાં આપણું લીવર આપણા શરીરને દિવસ માટે તૈયાર કરવા અને તેને વધુ સક્રિય બનાવવા માટે બ્લડ શુગર રિલીઝ કરે છે. આ જ કારણ છે કે ડાયાબિટીસવાળા લોકોને સવારે હાઈ બ્લડ શુગરનો અનુભવ થાય છે અને ગળા અને મોંમાં શુષ્કતા, આખી રાત વારંવાર પેશાબ થવો, મૂત્રાશય ભરાઈ જવો, નબળી દ્રષ્ટિ અને ભૂખ જેવા લક્ષણો આવી શકે છે.

ઘણા લોકોને ડાયાબિટીસની જાણ થતા પહેલાં જ થાક, ઊંઘ ન આવવી, આંખોમાં નબળાઈ, ફંગલ ઇન્ફેક્શન અને ફોડલી જેવા લક્ષણો જોઈ શકે છે. આવી સ્થિતિમાં વ્યક્તિએ શરીરમાં થતા તમામ ફેરફારો પર ધ્યાન આપવું જોઈએ અને રોગ વધુ બગડે તે પહેલા તેની તપાસ અને સારવાર કરાવવી જોઈએ.

સવારે જોવા મળતા આ સંકેતો પર ધ્યાન આપો
ડૉક્ટરોનું કહેવું છે કે એવું નથી કે સવારે દેખાતા આ લક્ષણો દિવસ દરમિયાન દેખાતા નથી. ખંજવાળ, થાક, નબળાઇ, વધુ પડતી ભૂખ, વધુ પડતી તરસ દિવસ અને રાત બંને સમયે થઈ શકે છે. વજન ઘટવું, ન સાજા થતા ઘા, પ્રાઈવેટ પાર્ટમાં ખંજવાળ, આ બધા લક્ષણો તમે દિવસભર અનુભવી શકો છો.

ટાઇપ - 2 ડાયાબિટીસના સામાન્ય લક્ષણો

• વધુ પડતી ભૂખ લાગવી, 
• અચાનક વજન ઘટવું, 
• હાથ કે પગમાં ઝણઝણાટી થવી, 
• થાક લાગવો, 
• નબળાઈ, 
• શુષ્ક ત્વચા, 
• ધીમો ઘા રૂઝ થવો, 
• વધુ પડતી તરસ, 
• ખાસ કરીને રાત્રે અતિશય પેશાબ થવો, 
• ચેપ, 
• વાળ ખરવા 

ટાઇપ- 1 ડાયાબિટીસના સામાન્ય લક્ષણો

• ઉબકા, 
• પેટમાં દુખાવો, 
• ઉલટી વગેરે.
   

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.