મનોરંજન / શાર્દુલ ઠાકુરના પ્રિ-વેડિંગમાં શ્રેયસ અય્યરે દેખાડ્યું અદભુત સિંગિંગ ટેલેન્ટ, જોતજોતામાં VIDEOએ ધૂમ મચાવી

• શાર્દૂલ ઠાકુર આજે મિતાલી પારૂલકર સાથે  પ્રભુતામાં પગલા માંડશે
• પ્રી-વેડિંગ ફંક્શનમાં શ્રેયસ ઐયરે સિંગિંગ ટેલેન્ટથી બધાને આશ્ચર્યમાં મુક્યા
• શ્રેયસ ઐયરનો વીડિયો સોશિયલ મીડિયામાં ખૂબ વાયરલ

શાર્દૂલ ઠાકુર ગર્લફ્રેન્ડ મિતાલી પારૂલકર સાથે લગ્નના બંધનમાં બંધાશે

શાર્દૂલ ઠાકુર આજે પોતાની ગર્લફ્રેન્ડ મિતાલી પારૂલકર સાથે લગ્નના બંધનમાં બંધાશે. લગ્ન પહેલા થયેલા સમારોહના અત્યાર સુધી ઘણા વીડિયો સામે આવી ચૂક્યા છે. ટીમ ઈન્ડિયાના અમુક ખેલાડી પણ આ કાર્યક્રમમાં ઉપસ્થિત થયા છે. કેપ્ટન રોહિત શર્મા પણ અહીં પ્રી-વેડિંગ ઈવેન્ટમાં પહોંચ્યા હતા. આ પ્રકારની એક પ્રી-વેડિંગ ઈવેન્ટમાં શ્રેયસ ઐયરનો વીડિયો સોશિયલ મીડિયામાં ખૂબ વાયરલ થઇ રહ્યો છે. આ વીડિયોમાં તે ગીત ગાઇ રહ્યો છે. 

શાર્દુલ અને શ્રેયસ ઐયરે લોકપ્રિય બોલીવુડ ગીત ગાયુ

આ વીડિયોમાં શાર્દુલ અને શ્રેયસ ઐયર લોકપ્રિય બોલીવુડ ગીત 'તુમ જો મેરા સાથ દો' ગીત ગાતા દેખાયા. આ વીડિયો સામે આવ્યાં બાદ આ સોશિયલ મીડિયામાં ઝડપથી વાયરલ થયુ અને પ્રશંસકો પણ તેના પર પ્રતિક્રિયા આપી રહ્યાં છે. 

શાર્દુલ ઠાકુરના પ્રી-વેડિંગ ઈવેન્ટનો વધુ એક વીડિયો વાયરલ થયો

આની પહેલા શાર્દુલ ઠાકુરના પ્રી-વેડિંગ ઈવેન્ટનો વધુ એક વીડિયો વાયરલ થયો હતો. જેમાં શાર્દુલ પોતાની ડાન્સ પ્રતિભાને બતાવી રહ્યાં હતા. ખરેખર હલ્દી ફંક્શન દરમ્યાન શાર્દૂલ લોકપ્રિય મરાઠી ગીત જિંગાટ પર ખૂબ શાનદાર રીતે ડાન્સ કરી રહ્યાં હતા અને આ દરમ્યાન તેમના પરિવારજનો પણ ખૂબ મજા માણી રહ્યાં હતા. 

"𝘏𝘢𝘮𝘬𝘰 𝘪𝘵𝘯𝘢 𝘣𝘢𝘵𝘢 𝘥𝘦 𝘬𝘰𝘪, 𝘬𝘢𝘪𝘴𝘦 𝘒𝘒𝘙 𝘣𝘰𝘺𝘴 𝘱𝘦 𝘥𝘪𝘭 𝘯𝘢 𝘭𝘢𝘨𝘢𝘺𝘦 𝘬𝘰𝘪!"🥺🎶

📽️: @TheTrancer10 | #AmiKKR pic.twitter.com/yvmr7fiawm

— KolkataKnightRiders (@KKRiders) February 26, 2023

ઓસ્ટ્રેલિયા સામે વનડે શ્રેણીમાં રમતા દેખાશે શાર્દૂલ ઠાકુર 

હાલમાં ભારત અને ઓસ્ટ્રેલિયા વચ્ચે રમાઈ રહેલ ચાર મેચની ટેસ્ટ શ્રેણી પૂર્ણ થયા બાદ 17 માર્ચથી 3 મેચની વન-ડે સીરીઝ રમાશે. આ વનડે સીરીઝ માટે જાહેર કરવામાં આવેલી ભારતીય ટીમમાં શાર્દૂલ ઠાકુરને પણ જગ્યા આપવામાં આવી છે.