અમદાવાદ / વન ટાઇમ સેટલમેન્ટ યોજના: EWS તથા વામ્બે આવાસ યોજના અંતર્ગત અમદાવાદના 2510 મકાનધારકોના હપ્તા બાકી, લેવાયો મહત્વનો નિર્ણય

• અમદાવાદ શહેરમાં EWS અંતર્ગત આવાસના હપ્તા માટે સેટલમેન્ટ યોજના 
• ઔડાના EWS અને વામ્બે આવાસના 2510 ધારકોના હપ્તાની રકમ બાકી 
• મકાન ધારકો બાકી હપ્તા ચૂકવે તે માટે વન ટાઇમ સેટલમેન્ટ કરાશે 
• મકાન ધારકો એક સાથે પૈસા ચૂકવે તો 100 ટકા પેનલ્ટી માફ કરાશે

AUDA One Time Settlement Scheme : અમદાવાદ શહેરમાં EWS-વામ્બે આવાસ યોજનાના મકાનધારકોના બાકી હપ્તાને લઇ મોટો નિર્ણય કરવામાં આવ્યો છે. વાત જાણે એમ છે કે, અમદાવાદ શહેરમાં EWS અંતર્ગત આવાસના હપ્તા માટે સેટલમેન્ટ યોજના બહાર પડાઈ છે. વિગતો મુજબ ઔડાના EWS અને વામ્બે આવાસના 2510 ધારકોના હપ્તાની રકમ બાકી હોવાથી મકાન ધારકો બાકી હપ્તા ચૂકવે તે માટે વન ટાઇમ સેટલમેન્ટ કરાશે. 

અમદાવા શહેરમાં ઔડા દ્વારા વર્ષ 2001થી 2008 સુધીમાં EWS અને વામ્બે આવાસ યોજનાના મકાનો બનાવાયા હતા. જોકે કેટલાક લાભાર્થીઓ દ્વારા હજી સુધી માસિક હપ્તાની રકમ ભરાઇ નથી. જેને લઈ હવે ઔડાની મળેલી બોર્ડ બેઠકમાં બાકી હપ્તાને લઇ નિર્ણય લેવામાં આવ્યો છે. જે મુજબ આવાસના હપ્તા માટે સેટલમેન્ટ યોજના બહાર પડાઈ છે. મકાન ધારકો એક સાથે પૈસા ચૂકવે તો 100 ટકા પેનલ્ટી માફ કરાશે.

શું છે ઔડાની વન ટાઇમ સેટલમેન્ટ યોજના ? 
અમદાવાદ શહેરમાં ઔડાની વન ટાઇમ સેટલમેન્ટ યોજના બહાર પાડવામાં આવી છે. ઔડાની EWS અને વામ્બે આવાસના 2510 મકાનધારકો હપ્તાની રકમ બાકી છે. જેને લઈ ઔડાની બોર્ડ બેઠકમાં બાકી હપ્તાને લઇ લાભાર્થીઓ માટે વન ટાઈમ સેટલમેન્ટ યોજના જાહેર કરવામાં આવી. જે જેમાં લાભાર્થી એક સાથે માસિક હપ્તાની તમામ રકમની ચુકવણી કરે તો રાહત અપાશે. એક સાથે બાકી હપ્તાની રકમ ચૂકવે તો 100 ટકા વ્યાજ માફી અપાશે.