ખૌફનાક દ્રશ્યનું વર્ણન / VIDEO: 'અમુક સાંસદોએ તેને પકડ્યો અને બરાબરનો ધોઈ માર્યો...': લોકસભામાં સુરક્ષા ચૂક મામલે જુઓ કયા સાંસદે શું કહ્યું

• ભારતની સંસદની સુરક્ષામાં ચૂક 
• સાંસદોમાં ફેલાયો ખૌફ 
• જુઓ કયા સાંસદે શું કહ્યું 

આજે સંસદ પર આતંકવાદી હુમલાની 22મી વરસી છે, અને આજે જ દેશની નવી સંસદની સુરક્ષામાં ભારે ચૂકનો મામલો સામે આવ્યો છે. ઓડિયન્સ ગેલેરીમાંથી એક શખ્સ છલાંગ લગાવીને સાંસદોની વચ્ચે આવી ગયો અને સ્મોક કેન્ડ સળગાવી. લોકસભાની સુરક્ષાના ધજાગરા ઉડાવતા આ શખ્સોનો વીડિયો પણ સામે આવ્યો છે. 

#WATCH | Security breach at Lok Sabha | Samajwadi Party (SP) MP Dimple Yadav says, "All those who come here - be it visitors or reporters - they don't carry tags. So, I think the government should pay attention to this. I think this is complete security lapse. Anything could have… pic.twitter.com/u5Q8ORxT3w

— ANI (@ANI) December 13, 2023

સુરક્ષા પર ધ્યાન આપવાની જરૂર: ડીમ્પલ યાદવ 
કોંગ્રેસ સાંસદ કાર્તિ ચિદમ્બરમે કહ્યું કે આ લોકસભાની સુરક્ષામાં મોટી ચૂક છે. આ લોકોએ જે ધુમાડો કર્યો એ ઝેરી ધુમાડો પણ હોઈ શકતો હતો. સમાજવાદી પાર્ટીના સાંસદ ડિંપલ યાદવે કહ્યું કે જે લોકો અહીં આવે છે, તે પોતાની સાથે ટેગ રાખતા નથી. હું સરકારને કહેવા માંગુ છું કે તેના પર ધ્યાન આપવાની જરૂર છે. આજે લોકસભામાં કઈ પણ થઈ શકતું હતું. બહુજન સમાજવાદી પાર્ટીના સસ્પેન્ડેડ સાંસદ દાનિશ અલીએ કહ્યું કે પબ્લિક ગેલેરીમાંથી બે યુવકો કૂદી પડ્યા અને અચાનક જ ધુમાડો થઈ ગયો. ભાગદોડ પણ મચી ગઈ, આ મોટી લાપરવાહી છે. 

#WATCH | Security breach in Lok Sabha | Congress MP Karti Chidambaram says "Suddenly two young men around 20 years old jumped into the House from the visitor's gallery and had canisters in their hand. These canisters were emitting yellow smoke. One of them was attempting to run… pic.twitter.com/RhZlecrzxo

— ANI (@ANI) December 13, 2023

સંસદની અંદર આ સામાન આવ્યો જ કઈ રીતે? 
ટીએમસીના સાંસદ સુદીપ બંદોપાધ્યાયએ કહ્યું કે આ ભયાનક અનુભવ હતો, કોઈ અનુમાન ન લગાવી શકે તે લોકો શું કરવા માટે આવ્યા અને શા માટે આવ્યું કર્યું? અમે તરત જ ત્યાંથી ભાગીને બહાર આવી ગયા, પણ આ સુરક્ષામાં મોટી ચૂક છે, ધુમાડો છોડવાવાળી વસ્તુ સંસદમાં લાવ્યા ક્યાંથી? 

#WATCH | Security breach in Lok Sabha | TMC MP Sudip Bandyopadhyay says, "It was a terrible experience. Nobody could guess what was their target and why were they doing this. We all left the House immediately, but it was a security lapse. How could they enter with instruments… pic.twitter.com/efnwGGTdvJ

— ANI (@ANI) December 13, 2023

ભાજપ સાંસદ રાજેન્દ્ર અગ્રવાલે કહ્યું કે નિશ્ચિત રૂપે સુરક્ષામાં ખામી છે. જ્યારે પહેલો વ્યક્તિ નીચે આવ્યો તો અમને લાગ્યું કે તે પડી ગયો છે, પછી બીજો પણ કૂદ્યો જે બાદ અમે સતર્ક થઈ ગયા. એક વ્યક્તિએ જૂતાંમાંથી કશું કાઢ્યું અને ધુમાડો થઈ ગયો. જે પણ જવાબદર છે તેમની સામે કડક કાર્યવાહી કરવામાં આવશે. 

મલૂક નાગરે કહ્યું, અમુક સાંસદોએ તેની ધોલાઈ કરી  
બીજનોરના બસપા સાંસદ મલૂક નાગરે કહ્યું કે, લોકસભામાં ધુમાડાના કારણે સાંસદો દહેશતમાં આવી ગયા હતા. જે બાદ સાંસદોએ તેને પકડી પાડયા, અમુક સાંસદોએ તેની પિટાઈ પણ કરી નાંખી. મલૂક નાગરે એમ પણ કહ્યું કે અમને તો પહેલા એવું લાગ્યું હવે જીવિત નહીં બચીએ. ક્યાંક તેની પાસે હથિયાર હોત તો! એ કશું કરે તે પહેલા જ સાંસદોએ તેની પિટાઈ કરી નાંખી, ધુમાડામાંથી ખરાબ ગંધ આવી રહી હતી. 

VIDEO | BSP MP Malook Nagar narrates the incident of security breach in the Parliament earlier today. pic.twitter.com/SAJWgNk17t

— Press Trust of India (@PTI_News) December 13, 2023

શું છે સમગ્ર ઘટના? 
સંસદના શિયાળુ સત્ર દરમિયાન લોકસભાની સુરક્ષામાં ચૂક. ઓડિયન્સ ગેલેરીમાંથી એક શખ્સ છલાંગ લગાવીને સાંસદોની વચ્ચે આવી ગયો અને સ્મોક કેન્ડ સળગાવી. લોકસભાની સુરક્ષાના ધજાગરા ઉડાવતા આ શખ્સોનો વીડિયો પણ સામે આવ્યો છે. જ્યારે સાંસદો આ શખ્સને પકડવા ગયા ત્યારે તેણે સ્મોક કેન્ડલ સળગાવી હતી જે બાદ સમગ્ર સદનમાં ધુમાડો ધુમાડો થઈ ગયો. બાદમાં બને શખ્સની ધરપકડ કરી લેવામાં આવી છે. બંને આરોપીઓમાંથી એકનું નામ સાગર હોવાનો દાવો કરવામાં આવી રહ્યો છે. સ્મોક કેન્ડલ જૂતાંની અંદર છુપાવીને લઈને આવ્યા હતા. બંને વિઝિટર બનીને સંસદમાં આવ્યા હતા અને તેમની પાસે મૈસૂરના સાંસદના નામે રેફરી પાસ હતો. દિલ્હી પોલીસની એન્ટિ ટેરર યુનિટ સ્પેશ્યલ સેલ દ્વારા પૂછપરછ શરૂ કરવામાં આવી છે. 

#WATCH | Lok Sabha security breach | Lok Sabha speaker Om Birla says "A thorough investigation of the incident that took place during zero hour, is being done. Essential instructions have also been given to Delhi Police. In the primary investigation, it has been found that it was… pic.twitter.com/GPMPAoyeLk

— ANI (@ANI) December 13, 2023

બહાર પણ બે લોકોએ સ્મોક કેન્ડલ સળગાવી 
નોંધનીય છે કે સંસદ ભવનની અંદર જ નહીં બહાર પણ આવી જ ઘટના સામે આવી છે. જેમાં ટ્રાન્સપોર્ટ ભવનની પાસે એક 42 વર્ષની મહિલા નીલમ તથા 25 વર્ષના અમોલ શિંદેની ધરપકડ કરવામાં આવી છે. આ બંને સંસદ ભવનની બહાર સ્મોક કેન્ડલ સળગાવીને નારા લગાવી રહ્યા હતા.