મનોરંજન / લંડન એરપોર્ટ પર 'સારાભાઈ Vs સારાભાઈ' ફેમ એક્ટર બન્યા મજાકનો ભોગ, આપ્યો એવો જવાબ કે જાણીને થશે ગર્વ

• સતીષ શાહ બન્યા રેસિઝ્મનો શિકાર 
• લંડન એરપોર્ટ પર સ્ટાફે કરી ટિપ્પણી 
• અભિનેતાએ આપ્યો જડાતોડ જવાબ 

ફેમસ એક્ટર સતીષ શાહ પર લંડન એરપોર્ટના એક સ્ટાફે રેસિસ્ટ કમેન્ટ કરી હતી. ત્યારબાદ અભિનેતાએ એવો જોરદાર જવાબ આપ્યો કે ત્યાં હાજર લોકોની બોલતી બંધ થઈ ગઈ. સતીષ શાહે લંડનના હીથ્રો એરપોર્ટ પર થયેલી ઘટના સોશિયલ મીડિયા પર શેર કરી છે. અભિનેતાનું ટ્વીટ જોઈને લોકો તેના વખાણ કરી રહ્યા છે.

લંડનમાં સતીષ શાહ પર જાતિવાદી ટિપ્પણી
સતીષ શાહે પોતાના ટ્વીટમાં લખ્યું છે કે, લંડન એરપોર્ટ સ્ટાફ મને ફર્સ્ટ ક્લાસમાં જોઈને આશ્ચર્યચકિત થઈ ગયો અને પછી તેણે તેના સાથીદારને પૂછ્યું, 'શું આ લોકોને પણ ફર્સ્ટ ક્લાસ પરવડે છે? 

I replied with a proud smile “because we are Indians” after I overheard the Heathrow staff wonderingly asking his mate”how can they afford 1st class?”

— satish shah🇮🇳 (@sats45) January 2, 2023

સતીષ શાહે સોશિયલ મીડિયા પર જણાવ્યું કે, એરપોર્ટ પર આ ટિપ્પણી સાંભળીને તેમણે જવાબ આપ્યો- 'કારણ કે અમે ભારતીય છીએ'. સતીષ શાહનો આ જવાબ સાંભળીને એરપોર્ટ સ્ટાફની બોલતી બંધ થઈ ગઈ.

સતીષ શાહના ટ્વીટ બાદ સોશિયલ મીડિયા પર હંગામો 
અભિનેતા સતીષ શાહના ટ્વિટર પર જાતિવાદી ટિપ્પણી સાથેના ટ્વિટ બાદ સોશિયલ મીડિયા પર અનેક પ્રકારની પ્રતિક્રિયાઓ જોવા મળી રહી છે. કેટલાક લોકો અભિનેતા સતીષના વખાણ કરી રહ્યા છે. કેટલાક લોકો કહે છે કે જાતિવાદ વિદેશીઓના મનમાં વસેલો છે પરંતુ તેઓ દુનિયાને બતાવે છે કે એવું નથી.