સુશાંત સિંહના કેસમાં ઘણા નવા ડ્રગ કનેક્શન સામે આવ્યા છે જે પગલે દીપિકા પાદુકોણ, સારા અલી ખાન, શ્રદ્ધા કપૂર જેવા કલાકારોને સમન્સ પાઠવવામાં આવ્યા છે.
7 લોકોને સમન્સ પાઠવવામાં આવ્યા છે જેમાંથી દીપિકાને 25 સપ્ટેમ્બરે જયારે સારા અલી ખાન અને શ્રદ્ધા કપૂરને 26 સપ્ટેમ્બરે પૂછપરછ માટે બોલાવવામાં આવ્યા છે.
દીપિકાએ વકીલો સાથે વિડિયો કોન્ફરન્સ મિટિંગ કરી
દીપિકાએ વિડિયો કોન્ફરન્સથી 12 વકીલો સાથે મિટિંગ કરી હતી. આ મિટિંગમાં દીપિકાનો પતિ રણવીર સિંહ હાજર રહ્યો હતો.
સારા અલી ખાન અને શ્રદ્ધા કપૂરના ઘરે NCBના અધિકારીઓએ સમન્સ મોકલ્યા છે જયારે દીપિકાએ ગોવાથી શકુન બત્રાની ફિલ્મનું શુટિંગ અધૂરું રાખીને મુંબઈ આવવું પડ્યું છે.
NCB પૂછપરછ માટે બોલાવશે
દીપિકાની ચેટમાં ખુલાસો થયો છે કે તે ડ્રગ્સ માંગી રહી હતી. તે ક્વાન કંપનીમાં કામ કરી રહેલી કરિશ્મા પાસે ડ્રગ માંગી રહી હતી. નોંધનીય છે કે કરિશ્મા પણ અત્યારે ગોવામાં છે અને તેને પણ સમન્સ મોકલવામાં આવ્યા છે.
આ તરફ સારા અલી ખાન પણ તેની માતા અમૃતા સિંહના ઘરે ગોવામાં છે. સૌથી પહેલા રિયા ચક્રવર્તીએ તેનું નામ લીધું હતું.