બોલીવુડ એક્ટર સલમાન ખાન પોતાની નવી ફિલ્મ 'દબંગ 3' લઇને ટ્રેન્ડ કરી રહ્યા છે. આ ફિલ્મ 20 ડિસેમ્બરે રિલીઝ થઇ રહી છે. ફિલ્મના ઘણા મોશન પોસ્ટર રિલીઝ થઇ ચૂક્યા છે. પરંતુ હજુ સુધી તેનું ટ્રેલર લોન્ચ કરાયું નથી.
સલમાન ખાનના ફેન્સની આતુરતાનો આવ્યો અંત
'દબંગ 3' નું ટ્રેલર 23 ઓક્ટોબરે મુંબઇમાં રિલીઝ કરવામાં આવશે
મેકર્સે સલમાનના ફેન્સને સરપ્રાઇઝ આપવા માટે એક શાનદાર પ્લાન પણ બનાવ્યો
પરંતુ હવે લાગે છે કે જલ્દી જ ફેન્સનો આતુરતાનો અંત આવશે. ફિલ્મનું ટ્રેલર 23 ઓક્ટોબરે મુંબઇમાં રિલીઝ કરવામાં આવશે. આ ઉપરાંત મેકર્સે સલમાનના ફેન્સને સરપ્રાઇઝ આપવા માટે એક શાનદાર પ્લાન પણ બનાવ્યો છે.
રિપોર્ટ મુજબ, ટ્રેલર લોન્ચના દિવસે સલમાન ખાન, ચુલબુલ પાન્ડેના અવતારમાં પહોંચશે અને ઓડિયન્સને એન્ટરટેન કરશે. સલમાને પોતાના ફેન્સ માટે ખાસ પ્લાન તૈયાર કર્યો છે. સૂત્રો અનુસાર, મુંબઇ ઉપરાંત 9 શહેરોમાં પણ ટ્રેલર લોન્ચ કરવામાં આવશે.
જેમા ચેન્નઇ, બેન્ગાલુરુ, હૈદરાબાદ, દિલ્હી, જયપુર, કોલકાતા, અમદાવાદ, લખનઉ અને ઇન્દોર સામેલ છે. ઇવેન્ટ પર સલમાન ખાન પણ હાજર રહેશે અને વીડિયો કોન્ફરન્સિંગના માધ્યમથી પોતાના ફેન્સ સાથે વાત કરશે.
નોંધનીય છે કે, ફિલ્મમાં ચૂલબુલ પાન્ડેના યુવા કેરેક્ટરને બતાવાશે. એ માટે સલમાને જિમમાં ખુબ જ મહેનત કરી પોતાનું વજન ઘટાડ્યું છે. 'દબંગ 3'માં સલમાન ખાન ઉપરાંત સોનાક્ષી સિન્હા, અરબાજ ખાન, માહી ગિલ, પંકજ ત્રિપાઠી, નવાબ શાહ પણ જોવા મળશે.