બોલિવૂડ એક્ટર સૈફ અલી ખાન અને કરીના કપૂર ખાને હાલમાં જ પોતાની એનિવર્સિરી સેલિબ્રેટ કરી. બંનેએ આજથી 9 વર્ષ પહેલાં લવ મેરેજ કર્યા હતા અને બંનેની કહાની ખૂબ જ ફિલ્મી રહી છે.
ભાગીને લગ્ન કરવા માગતી હતી કરીના
9 વર્ષ પહેલાં કરીના અને સૈફેલવ મેરેજ કર્યા હતા
બંનેની કહાની ખૂબ જ ફિલ્મી રહી છે
બોલિવૂડના આ પાવર કપલની એનિવર્સિરી પર આજે અમે તમને બંનેના લગ્ન સાથે જોડાયેલા રસપ્રદ કિસ્સા જણાવવા જઈ રહ્યાં છે.
સૈફ અલી ખાન અને કરીના કપૂર ખાન એકબીજાને પહેલાંથી જ જાણતા હતા પરંતુ બંનેનો પ્રેમ ફિલ્મ 'ટશન'ના શૂટિંગ દરમિયાન પરવાન ચઢ્યો હતો. આ ફિલ્મ માટે કરીનાએ ઝીરો ફિગર મેન્ટેન કર્યું હતું અને સૈફએ ખૂબ મસ્કુલર બોડી બનાવી હતી. શૂટિંગ દરમિયાન બંને વચ્ચે નિકટતા વધી અને ધીરે-ધીરે આ બંને પ્રેમમાં પડ્યા.
સૈફ અલી ખાન અને કરીના કપૂર ખાન ભલે સેલેબ્રિટી છે પરંતુ ઇન્ટર રિલીજિયન વેડિંગને લઇને બંનેના મનમાં ઘણાં સવાલ હતા. તેમને પણ શંકા હતી કે તેમનો પરિવાર રાજી થશે કે નહીં. વોગ ઇન્ડિયાને આપેલા ઇન્ટરવ્યૂમાં કરીનાએ જણાવ્યું કે, 'અમે અમારી પોતાની ફેમિલીને ધમકી આપી હતી કે જો અમારા લગ્ન મીડિયામાં ચર્ચાનો વિષય બન્યા તો અમે ઘરેથી ભાગી જઈશું.
પ્રાઇવેસીને લઇને હતી ચિંતા
કરીના કપૂર ખાનએ વર્ષ 2013માં થયેલા આ ઇન્ટરવ્યૂમાં જણાવ્યું હતું કે લોકો તેમની અંગત જીંદગી સાથે જોડાયેલી તમામ નાની નાની જાણકારી ઇચ્છતા હતા. તેમણે કહ્યું કે તે પોતાની પ્રાઇવેસીને લઇને ખૂબ જ પરેશાન થઇ ગઇ હતી. કરીનાએ કહ્યું, 'અમે કોર્ટ મેરેજ કર્યા અને પછી ધાબા પર આવીને મીડિયાને હેલો કહ્યું.