યુદ્ધ / રશિયાએ લીધો મોટો બદલોઃ યુદ્ધ જહાજ પર હુમલો થતા જ ધડાધડ કીવ પર છોડી દીધી મિસાઇલો

• રશિયા યુક્રેન વચ્ચે યુદ્ધનું ઘમાસાન
• યુદ્ધપોત તબાહ થતા જ રશિયાની જવાબી કાર્યવાહી
• કીવ પર છોડી તાબડતોબ મિસાઇલો

રશિયા અને યૂક્રેન વચ્ચે ભયંકર યુદ્ધ ચાલી રહ્યું છે. યુદ્ધમાં મોટો નાટકીય મોડ ત્યારે આવ્યો જ્યારે યૂક્રેન તરફથી યુદ્ધપોત Moskva તબાહ કરી દેવાયું. હવે રશિયા તરફથી જવાબી કાર્યવાહી કરી દેવામાં આવી છે. જણાવાય રહ્યું છે કે રશિયન સેનાએ કીવમાં તાબડતોડ મિસાઇલ હુમલો કર્યો છે. નેપ્ચ્યૂન મિસાઇલ બનાવનારા પ્લાન્ટને પણ ઉડાવી દેવાયા છે.

હવે રશિયાએ એક નક્કી રણનીતિ હેઠળ નેપ્ચ્યૂન મિસાઇલ બનાવનારા પ્લાન્ટને પોતાના નિશાને લીધા છે. એવી માહિતી છે કે યૂક્રેન તરફથી રશિયન યુદ્ધપોતને આ મિસાઇલ દ્વારા તબાહ કરી દેવામાં આવી હતી. તેવામાં ભવિષ્યમાં યૂક્રેન ફરીવાર એવો હુમલો ન કરી શકે, એટલા માટે પ્લાન્ટને જ ઉડાવી દેવાયો છે.