Russia Ukraine crisis / રશિયાને કમરતોડ ઝટકો, આર્થિક પ્રતિબંધોના કારણે થયું મોટું નુકસાન, કરન્સીમાં 30 ટકાનો કડાકો

• રશિયાને લાગ્યો મોટો ઝટકો 
• પશ્ચિમી દેશોના પ્રતિબંઘોને કારણે કરન્સીમાં ભારે ઘટાડો 
• યુક્રેન સાથેનું યુદ્ધ રશિયાને હવે પડી રહ્યું છે ભારે 

યુક્રેન સાથે યુદ્ધ કર્યા બાદ હવે રશિયાની કરન્સીમાં ભારે ઘટાડો જોવા મળી રહ્યો છે. સોમવારે રશિયન કરન્સી ડોલરની સરખામણીએ 30 ટકા ટૂંટી ગઈ હતી. એવું માનવામાં આવી રહ્યું છે કે પશ્ચિમી દેશો દ્વારા રશિયા પર જે કડક કાયદાઓ લગાવામાં આવ્યા છે. તેની અસર હવે રશિયાની કરન્સી પર જોવા મળી રહી છે. 

યુક્રેન પર સતત હુમલો કરી રહ્યું છે રશિયા 

અમેરિકા, કેનેડા, બ્રિટેન, જાપાન અને જર્મની જેવા દેશોએ રશિયા સામે પ્રતિબંધ લગાવાનો નિર્ણય લઈ લીધો છે. જોકે રશિયા પર આ પ્રતિબંધોનો કોઈ અસર જોવા નથી મળી રહ્યો અને તે સતત યુક્રેન પર હુમલો કરી રહ્યું છે. 

ઈન્ટરનેશનલ પેમેન્ટ સિસ્ટમમાંથી પણ બહાર 

અમેરિકા બાદ તેના સહયોગી દેશો દ્વારા પણ રશિયા પર કડક પ્રતિબંધો મુકવામાં આવ્યા છે. હવે માત્ર રશિયાના રાષ્ટ્રપતિ વાલ્દિમિર પુતિન જ પ્રતિબંધોના દાયરામાં નથી ઘેરાયા પરંતુ રશિયાની સેન્ટ્રલ બેંક પણ તેનો શિકાર બની છે. ઉપરાંત રશિયાને ઈન્ટરનેશનલ પેમેન્ટ સિસ્ટમ સ્વિફ્ટમાંથી પણ બહાર કરી દેવામાં આવ્યું છે. 

પુતિને પરમાણું હથિયારોને હાઈ એલર્ટ પર કર્યા 

રાષ્ટ્રપતિ વાલ્દિમિર પુતિને હવે પરમાણું હથિયારોને પણ હાઈ એલર્ટ પર કરી દીધા છે. જેના કારણે ઈન્વેસ્ટરોમાં પણ હવે અફરાતફરીનો માહોલ સર્જાયો છે. પરિણામે કરન્સી માર્કેટમાં ડૉલર અને યેન જેવી સુરક્ષીત કરન્સીની ડિંમાન્ડ વધી ગઈ છે. જ્યારે રુબલ ડૉલરની સરખામણીએ 20 ટકા પડિને 119 પર આવી ગઈ છે. 

ડોલરની સરખામણીએ 0.76 ટકા ઘટાડો નોંધાયો 

રુબલ સિવાય બીજી ઘણી બધી કરન્સીમાં ઘટાડો નોંધાયો છે. યૂરોમાં પણ આડે ડૉલરની સરખામણીએ 0.76 ટકા ઘટાડો નૌધાયો, જાપાનની કરન્સી યેનમાં 0.73 ટકા, સ્વિસ ફ્રેંકમાં 0.60 ટકા અને ઓસ્ટ્રેલિયાઈ કરન્સીમાં 0.75 ટકાનો ઘટાડો નોંધાયો છે. ઉપરાંત ન્યૂઝીલેન્ડની કરન્સીમાં પણ ભારે ઘટાડો જોવા મળ્યો છે. 

રશિયામાં અફરા તફરીનો માહોલ 

ઉલ્લેખનીય છે કે પશ્ચિમી દેશોના પ્રતિબંધોની અસર હવે વિશ્વના દરેક દેશો પર જોવા મળી રહી છે. ખાસ કરીને રશિયામાં સામાન્ય લોકોમાં પણ અફરાતફરીનો માહોલ સર્જાયો છે. રશિયામાં એટીએમ અને બેંકોની સામે લોકો લાંબી લાઈનો લગાવીને ઉભા છે. તેમને એવો ડર છે કે તેમની બેંકનું કાર્ડ કામ કરવાનું બંધ ન થઈ જાય. જેથી લોકો વધુમાં વધુ કેશ નિકાળી રહ્યા છે. બીજી તરફ કરન્સીની વેલ્યૂ ઘટવાને કારણે મોંઘવારી ચરમસીમાએ પહોંચી ગઈ છે.