સ્પોર્ટસ / VIDEO: રોહિત શર્માની વિદાય! ત્રીજી વનડે પહેલા ગૌતમ ગંભીરના વીડિયોથી હડકંપ

ભારત અને ઓસ્ટ્રેલિયા વચ્ચેની ત્રીજી વનડે પહેલા, રોહિત શર્મા અને ગૌતમ ગંભીરનો એક વીડિયો વાયરલ થઈ રહ્યો છે. સોશિયલ મીડિયા પર ધૂમ મચાવનારા આ વીડિયોમાં, ગૌતમ ગંભીર મજાકમાં રોહિત શર્માને કહેતા જોવા મળે છે કે બધા માને છે કે આ મેચ (એડિલેડ) તેની વિદાય મેચ હતી. નોંધનીય છે કે આ ફોટો એડિલેડમાં બીજી વનડે મેચ પછી લેવામાં આવ્યો હતો, જેમાં ઓસ્ટ્રેલિયાએ ભારતીય ટીમને બે વિકેટથી હરાવી હતી.

મેચ પછી ભારતીય ટીમ હોટેલ પહોંચી. વીડિયોમાં ઓડિયો સ્પષ્ટ નથી, પરંતુ એક ચાહકે દાવો કર્યો છે કે તેણે ગૌતમ ગંભીરને કહેતા સાંભળ્યો છે, "રોહિત, બધાને લાગ્યું કે આ તારી વિદાય મેચ છે.

ઓસ્ટ્રેલિયા પ્રવાસ શરૂ થાય તે પહેલા જ રોહિત શર્મા અને વિરાટ કોહલીનું ODI ફ્યુચર સમાચારોમાં છે . ખાસ કરીને ODI કેપ્ટનશીપ પરથી હટાવ્યા પછી, એવી અટકળોએ જોર પકડ્યું છે કે રોહિત ઓસ્ટ્રેલિયા પ્રવાસ પછી નિવૃત્તિ લઈ શકે છે.

રોહિત શર્મા સાત મહિનાની ગેરહાજરી પછી આંતરરાષ્ટ્રીય ક્રિકેટમાં પાછો ફર્યો, પરંતુ પર્થમાં ઓસ્ટ્રેલિયા સામેની પહેલી ODIમાં ફક્ત આઠ રન જ બનાવી શક્યો. તેણે એડિલેડમાં જોરદાર વાપસી કરી, 97 બોલમાં 73 રનની અડધી સદી ફટકારી. શ્રેયસ ઐયરે પણ 61 રન બનાવ્યા. ભારતે 264 રન બનાવ્યા, પરંતુ ઓસ્ટ્રેલિયાએ બે વિકેટ બાકી રહેતા લક્ષ્ય હાંસલ કરી લીધું.

આ પણ વાંચોઃ શું કોહલીની હકાલપટ્ટી કરાશે? રવિ શાસ્ત્રીના નિવેદનથી સોશિ. મીડિયામાં ચર્ચાઓ શરૂ

ભારત અને ઓસ્ટ્રેલિયા વચ્ચેની ત્રીજી વનડે સિડનીમાં રમાશે, જ્યાં રોહિત શર્માનો પ્રભાવશાળી વનડે રેકોર્ડ છે. રોહિતે સિડનીમાં અત્યાર સુધીમાં પાંચ વનડે રમી છે, જેમાં તેણે 66.60 ની પ્રભાવશાળી સરેરાશથી 333 રન બનાવ્યા છે. તેણે આ મેદાન પર બે અડધી સદી અને એક સદી પણ ફટકારી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ