સ્પોર્ટ્સ / લોર્ડ્સ ટેસ્ટના પહેલા દિવસે ટીમ ઈન્ડિયાને ઝટકો! રિષભ પંત ઘાયલ થતા મેચમાંથી બહાર

ભારત અને ઇંગ્લેન્ડ વચ્ચેની ત્રીજી ટેસ્ટ મેચ ગુરુવાર, 10 જુલાઈના રોજ લંડનના ઐતિહાસિક લોર્ડ્સ મેદાન પર શરૂ થઈ હતી. પરંતુ પહેલા જ દિવસે ટીમ ઈન્ડિયાને એવો આંચકો લાગ્યો કે જેનાથી તેનું તણાવ વધી ગયું છે. આ શ્રેણીમાં પોતાની બેટિંગ અને વિકેટકીપિંગથી મજબૂત ભૂમિકા ભજવી રહેલા વાઇસ-કેપ્ટન ઋષભ પંતને મેચની વચ્ચે જ ઈજા થઈ હતી, જેના કારણે તેને મેદાન છોડીને પરત ફરવું પડ્યું હતું. આવી સ્થિતિમાં, ધ્રુવ જુરેલને પંતની જગ્યાએ વિકેટકીપિંગ સંભાળવું પડ્યું.

ટેસ્ટી સીરીઝની ત્રીજી મેચના પહેલા દિવસે ટોસ હાર્યા બાદ, ટીમ ઈન્ડિયાએ પહેલા ફિલ્ડિંગ કરવી પડી. ટીમ ઈન્ડિયાને પહેલા સત્રમાં જ 2 સફળતા મળી, જેમાં પંતે મહત્વપૂર્ણ ભૂમિકા ભજવી કારણ કે બંને વખત પંતે વિકેટ પાછળ કેચ પકડ્યા હતા. પરંતુ બીજા સત્રમાં, પંત લાંબા સમય સુધી મેદાન પર ટકી શક્યો નહીં અને ઈજાને કારણે પરત ફરવું પડ્યું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ