મોટા સમાચાર / રિઝર્વ બેંકે કરી મોટી જાહેરાત, 2022માં ભારતની પણ ડિજિટલ કરન્સી થશે લોન્ચ

• 2022માં ભારતની ક્રિપ્ટો કરન્સી થશે લોન્ચ 
• રિઝર્વ બેન્કના અધિકારીએ આપી માહિતી 
• 2022ના શરૂઆતના 3 મહિનામાં લોન્ચ થશે 

રિઝર્વ બેંક દ્વારા આવતા વર્ષે તેમની પોતાની ડિજિટલ કરન્સી લોન્ચ કરવામાં આવશે. જેને લઈને તેઓ હાલ પૂર જોશમાં કામ કરી રહ્યા છે. આ મામલે આરબીઆઈ દ્વારાજ કહેવામાં આવ્યું છે કે આવતા વર્ષે પહેલા ત્રણ મહિનાની અંદરજ ડિજિટલ કરન્સી લોન્ચ કરવામાં આવી શકે છે. જેને લઈને અમે ઘણા ખુશ છે. 

કરન્સી ડિજિટલ ક્યાતો વર્ચ્યુઅલ હશે

આ જે ડિજિટલ કરન્સી આરબીઆઈ દ્વારા લોન્ચ કરવામાં આવશે તે ડિજિટલ ક્યાતો વર્ચ્યુઅલ કરન્સી હશે. જોકે ભારતની મૂળ મુદ્રા પ્રમાણેજ આ કરન્સી લોન્ચ કરવામાં આવશે એટલે કે આ ડિજટિલ કરન્સી રૂપિયાના આધારા પરજ રહેવાની છે. 

CBDcs લોન્ચ કરવાની પણ વિચારણા 

આપને જણાવી દઈએ કે ગત વર્ષે ડિસેમ્બરમાં RBI ગર્વનર શક્તિકાંત દાશ દ્વારા CBDcs સોફ્ટ લોન્ચની સંભવના વ્યક્ત કરી હતી. જોકે તેને લઈને તેમણે ત્યારે કોઈ પણ ટાઈમલાઈન નહોતી આપેલી. જોકે અધિકારીઓના કહેવા પ્રમાણે તેને લોન્ચ કરવું એટલું સરળ નથી. તેને લોન્ચ કરવાને લઈને વિચાર કરવામાં આવી રહ્યો છે. 

પીએમ મોદીએ પોતાના સંબોધનમાં ક્રિપ્ટો કરન્સી પર પણ કહ્યું

બીજી તરફ આજે પીએમ મોદીએ સિડની ડાયલોગને સંબોધિત કરતા વખતે ક્રિપ્ટોકરન્સી પર પોતાનો અભિપ્રાય આપ્યો હતો. તેમણે કહ્યું, 'એ મહત્વનું છે કે તમામ લોકતાંત્રિક દેશો ક્રિપ્ટોકરન્સી અથવા બિટકોઈન પર સાથે મળીને કામ કરે અને ખાતરી કરે કે તે ખોટા હાથમાં ન જાય, જે આપણા યુવાનોને બગાડી શકે છે.'