IPL 2023 / ઈન્ડિયાને મળ્યો નવો સ્ટાર! પિતા કારગિલ યુદ્ધમાં લડ્યા, દીકરો મેદાન પર મચાવે છે તોફાન, માહીનો મોટો ફેન

• મેચ હાર્યા પછી પણ રાજસ્થાનની ટીમને એક મોટો ફાયદો થયો
• રાજસ્થાન રોયલ્સને નવો સ્ટાર ખેલાડી મળ્યો છે
• 15 બોલમાં અણનમ 32 રન બનાવ્યા

IPL 2023ની 8મી મેચમાં પંજાબ કિંગ્સે રાજસ્થાનને 5 રનથી હરાવ્યું હતું જેમાં પહેલા બેટિંગ કરતા પંજાબે 197 રન બનાવ્યા હતા અને તેના જવાબમાં રાજસ્થાનની ટીમ 192 રન જ બનાવી શકી હતી. જો કે પંજાબ સામેની એ મેચ હાર્યા પછી પણ રાજસ્થાનની ટીમને એક મોટો ફાયદો થયો છે. ગુવાહાટીમાં રમાયેલી મેચમાં રાજસ્થાન રોયલ્સને નવો સ્ટાર મળ્યો છે.

15 બોલમાં અણનમ 32 રન બનાવ્યા
એ સ્ટાર છે ધ્રુવ જુરેલે જેને પંજાબ કિંગ્સ સામે 15 બોલમાં અણનમ 32 રન બનાવ્યા હતા. નોંધનીય છે કે 7મી વિકેટ માટે ધ્રુવ જુરેલે શિમરોન હેટમાયર સાથે 26 બોલમાં 61 રનની ભાગીદારી કરી હરિ. એ મેચમાં ધ્રુવ જુરેલે પોતાની ઇનિંગ અને ભાગીદારીથી પંજાબની હાર લગભગ નક્કી કરી લીધી હતી. જોકે આવું થઈ શક્યું નહતું પણ ધ્રુવ જુરેલ તેની એ ધમાકેદાર ઇનિંગથી દરેકના દિલ ચોક્કસથી જીતી લીધા હતા. 

DJ's first. In Pink. 💗 pic.twitter.com/zsizr0Uhe6

— Rajasthan Royals (@rajasthanroyals) April 5, 2023

કોણ છે ધ્રુવ જુરેલ?
આ 22 વર્ષનો યુવા ખેલાડી ધ્રુવ જુરેલ યુપીનો ફર્સ્ટ ક્લાસ ક્રિકેટર છે જેને વર્ષ 2022માં આ ખેલાડીને રાજસ્થાન રોયલ્સે 20 લાખ રૂપિયામાં ખરીદ્યો હતો અને 2023માં પણ રાખ્યો હતો. જુરેલે વર્ષ 2019માં આયોજિત અંડર-19 એશિયા કપમાં ભારતની કેપ્ટનશીપ કરી હતી જે મેચ ટીમ ઈન્ડિયાએ જીતી હતી. જણાવી દઈએ કે ધ્રુવ જુરેલે ફર્સ્ટ ક્લાસમાં કુલ 11 મેચ રમી છે જેમાં 48થી વધુની એવરેજથી 587 રન બનાવ્યા હતા. 

You made us believe in this, Dhruv. Chin up. 💗 pic.twitter.com/mmhXd7o9Ie

— Rajasthan Royals (@rajasthanroyals) April 5, 2023

ખેલાડીના પિતા લડ્યા હતા કારગિલ યુદ્ધ
જણાવી દઈએ કે ધ્રુવ જુરેલના પિતા નિવૃત્ત આર્મીમેન છે. અને એમને વર્ષ1999માં દેશ માટે કારગીલમાં યુદ્ધની લડાઈમાં ભાંગ લીધો હતો. પિતા નેમ સિંહ ધ્રુવને સૈનિક બનાવવા માંગતા હતા પણ ધ્રુવને નાનપણથી જ ક્રિકેટ ગમતું હતું જેથી તે તેમાં કરિયર બનાવવા આગળ વધ્યો હતો. એવામાં આઇપીએલમાં તેની ઇનિંગ જોઇનએ એવું લાગે છે કે આઈપીએલમાં નવો સ્ટાર મળ્યો છે.