લાંબા વિરામ બાદ ગુજરાતના અનેક વિસ્તારમાં વરસાદ આવતા ખેડૂતોમાં ખુશી જોવા મળી, વરસાદ આવતા ખેડૂતોના પાકને નવજીવન મળશે
અરવલ્લી જિલ્લામાં વરસાદ
જન્માષ્ટમી પહેલા મેઘરાજાનું શામળાજીમાં આગમન
મેઘરજ, રામગઢી, ભિલોડામાં વરસાદ
હવામાન વિભાગ દ્વારા આગામી 2 સપ્ટેમ્બરથી રાજ્યમાં વરસાદની આગાહી કરાઈ છે. તો રાજ્યભરમાં વાતાવરણમાં પલ્ટો આવ્યો હતો. તે મુજબ મહેસાણા અને વિસનગરમાં વરસાદનું આગમન થયું છે. લાંબા વિરામ બાદ વરસાદ આવતા ખેડૂતોમાં ખુશી જોવા મળી છે. વરસાદ આવતા ખેડૂતોના પાકને નવજીવન મળશે. તો આ તરફ સુરેન્દ્રનગર જિલ્લાના વાતાવરણ પલટાયું છે. સુરેન્દ્રનગર અને વઢવાણના શહેરી વિસ્તારમાં વરસાદ થયો છે. તો આ તરફ લીંબડી, ચુડા અને આસપાસના વિસ્તારમાં ઝરમર વરસાદ થયો છે. લાંબા સમયના વિરામ બાદ વરસાદ પડતા ખેડૂતોમાં ખુશી જોવા મળી છે.
બનાસકાંઠાના દાંતાના વાતાવરણમાં પણ પલટો આવ્યો છે. દાંતા પંથકમાં ધીમી ધારે વરસાદ શરૂ થયો છે. જિલ્લામાં વરસાદ ખેંચાતા ખેડૂતો પરેશાન હતાં. હવે ખેડૂતોમાં ખુશીનો માહોલ છવાયો છે. તો સાબરકાંઠા જિલ્લાના વાતાવરણમાં પલટો આવ્યો છે. તેના અનુસંધાને વિજયનગર તાલુકામાં ધીમીધારે વરસાદ શરૂ થયો છે. તો આ તરફ અરવલ્લી જિલ્લામાં વરસાદ થયો છે. જન્માષ્ટમી પહેલા મેઘરાજાનું શામળાજીમાં આગમન થયું છે. આ સાથે મેઘરજ, રામગઢી, ભિલોડામાં પણ વરસાદ છે.