સુરત / માનહાનિ કેસને લઈને આજે કોંગ્રેસ નેતા રાહુલ ગાંધી સુરત કોર્ટમાં રહેશે હાજર

માનહાનિ કેસમાં આજે સુરત કોર્ટમાં હાજર રહેશે રાહુલ ગાંધી
માનહાનિ કેસમાં કર્ણાટકના 2 સાક્ષીઓની જુબાની લેવાય
પ્રદેશ કોંગ્રેસના નેતાઓ દ્વારા રાહુલ ગાંધીનું સ્વાગત કરશે
 

કોંગ્રેસ નેતા રાહુલ ગાંધી આજે સુરત આવશે, માનહાનિ કેસમાં રાહુલ ગાંધી સુરત કોર્ટમાં હાજર રહેવાના છે ત્યારે પ્રદેશ કોગ્રેસ નેતા દ્વારા પણ રાહલુ ગાંધીના સ્વાગતની વિશેષ તૈયારીઓ કરવામાં આવી છે. 

માનહાનિ કેસમાં કર્ણાટકના 2 સાક્ષીઓની જુબાની લેવાય

સુરત કોર્ટે રાહુલ ગાંધીને હાજર રહેવાનો નિર્દેશ કરતા આજે તેઓ ગુજરાતમાં આવી રહી છે ત્યારે કોર્ટમાં હાજરી આપ્યા બાદ રાહુલ ગાંધી પ્રદેશ કોગ્રેસ નેતાઓ સાથે બેઠક યોજી શકે છે. મહત્વનું છે કે રાહુલ  ગાંધી આજે બપોરે 2 વાગ્યે સુરત એરપોર્ટ પર પહોંચશે અને 3 વાગ્યે કોર્ટમાં હાજરી આપશે. રાહુલ ગાંધીના સ્વગત માટે કોંગ્રેસ પ્રદેશ પ્રભારી રઘુ શર્મા પણ સુરતમાં હાજર રહેશે. તેમજ પ્રદેશ કોંગ્રેસના સિનિયર નેતાઓ પણ સુરતમાં હાજર રહેશ. 

રાહુલ ગાંધી આજે સુરત કોર્ટમાં રહેશે હાજર 

મહત્વનું છે કે કર્ણાટકમાં ચૂંટણી પ્રચાર દરમિયાન રાહુલ ગાંધીએ મોદી અટક ધરાવનારને લઈને કરેલી ટિપ્પણી બદલ સુરતના પૂર્ણેશ મોદીએ ફરિયાદ નોંધાવી હતી, જેને લઈને રાહુલ ગાંધી સામે માનહાનિ કેસ ચાલી રહ્યો છે. જેને લઈને રાહુલ ગાંધીને કોર્ટમાં હાજર રહેવા નિર્દેશ કરાયો છે.

માનહાનિ કેસમાં કર્ણાટકના 2 સાક્ષીઓની જુબાની લેવાય

સુરતના ધારાસભ્ય પૂર્ણેશ મોદીએ નોંધાવેલી ફરિયાદના આધારે કેસ ચાલી રહ્યો છે, જોકે હાલ પૂર્ણેશ મોદી રાજ્યના માર્ગ મકાન મંત્રી બન્યા છે ત્યારે હવે કેસને લઈને અનેક ચર્ચાઓ થઈ રહી છે. માનહાનિ કેસને લઈને હાઈકોર્ટના નિર્દેશ બાદ કર્ણાટકના બે સાક્ષીની જુબાની લેવાઈ છે,ત્યારે હવે ફર્ધર સ્ટેન્ટમેન્ટ માટે રાહુલ ગાંધીને ફરી એકવાર સુરત કોર્ટમાં હાજર રહેવા નિર્દેશ કરાયો છે જેને લઈ રાહુલ ગાંધી તા.29 ઓક્ટોબરે કોર્ટમાં હાજર રહે તેવું જણાઈ રહ્યું છે