મોટો નિર્ણય / ઉત્તરાખંડના નવા CM બનશે પુષ્કરસિંહ ધામી, આજે સાંજે 6 વાગ્યે શપથગ્રહણ

• પુષ્કર ધામી બનશે ઉત્તરાખંડના નવા સીએમ 
• દહેરાદુનમાં મળેલી બેઠકમાં લેવાયો મોટો નિર્ણય 
• ઉત્તરાખંડની ખાતિમા બેઠકના ધારાસભ્ય છે ધામી 

ઉત્તરાખંડના નવા સીએમ તરીકે પુષ્કર ધામીનું નામ નક્કી થયું છે.  પુષ્કર ધામી ઉધમ સિંહ નગર જિલ્લાની ખાતિમાના ધારાસભ્ય છે અને ભગતસિંહ કોશિયારીની ખૂબ નજીકના નેતા છે. 

આજે સાંજે 6 વાગ્યે મુખ્યમંત્રી તરીકે શપથ લેશે

નવા વરાયેલા મુખ્યમંત્રી પુષ્કર સિંહ ધામી આજે સાંજના 6 વાગ્યે રાજધાની દહેરાદુનમાં શપથ લેશે. 

દહેરાદુનમાં મળેલી ધારાસભ્યોની બેઠકમાં ધામીના નામ પર મંજૂરીની મહોર
દહેરાદુનમાં મળેલી ભાજપ ધારાસભ્યોની બેઠકમાં પુષ્કર ધામીની સર્વાનુમતે વરણી કરવામાં આવી. ધામી રાજ્યના સૌથી યુવા મુખ્યમંત્રી છે. ઉત્તરાખંડમાં તીરથ સિંહ રાવતને મુખ્યમંત્રી પદ પરથી રાજીનામું આપવું પડ્યું છે. બંધારણીય સંકટના કારણે તેમણે રાજ્યપાલને પોતાનું રાજીનામું સોંપ્યું છે. હકીકતે તીરથ સિંહ રાવત વિધાનસભાના સદસ્ય ન હતી અને હાલના સમયમાં પેટાચૂંટણી કરવી મુશ્કેલ છે. એવામાં તેમણે રાજીનામું સોંપી દીધું છે. આ વચ્ચે તીરથ સિંહ રાવત બાદ હવે પશ્ચિમ બંગાળના મુખ્યમંત્રી મમતા બેનર્જીને પણ મુશ્કેલી આવી શકે છે. 

કોણ છે પુષ્કર ધામી 
પુષ્કર ધામી ઉધમ સિંહ નગર જિલ્લાની ખાતિમાના ધારાસભ્ય છે અને તે ભગતસિંહ કોશિયારીની ખૂબ નજીકના નેતા છે. તેઓ ભાજપ યુવા મોરચના અધ્યક્ષ છે. તેઓ આરએસએસની પણ નજીકના નેતા ગણાય છે. તેઓ રાજ્યના સૌથી યુવા મુખ્યમંત્રી બનશે.  

મમતાને સીટ તો ખીલ કરાવી લીધી પણ હવે ચૂંટણી ક્યારે? 
મમતા બેનર્જીએ 4 મેના રોજ મુખ્યમંત્રી પદની શપથ લીધી હતી. એવામાં તેમણે શપથ લીધાના દિવસથી છ મહિનાની અંદર એટલે કે 4 નવેમ્બર સુધી વિધાનસભાના સદસ્ય બનવું જરૂરી છે અને આ બંધારણીય કાયદો છે. તેમણે પોતાના માટે એક સીટ ખાલી પણ કરી લીધી છે પરંતુ તે વિધાનસભાના સદસ્ય ત્યારે જ બની શકશે જ્યારે છ મહિનાના સમય ગાળાની અંદર ચૂંટણી જીતી શકે. કોરોનાના કારણે ચૂંટણીપંચે દરેક ચૂંટણીઓ સ્થગિત કરી દીધી છે. ચૂંટણી પ્રક્રિયા ક્યારથી શરૂ થશે. તેના વિશે હજુ કંઈ કહી ન શકાય. એવામાં જો નવેમ્બર સુધી ભવાનીપુર પેટાચૂંટણી વિશે ચૂંટણી આયોગ નિર્ણય નહીં લે તો મમતાની ગાદી પર ખતરો છે.