વિકાસયાત્રા / એરપોર્ટ જેવી સુવિધા હવે કાલુપુર રેલવે સ્ટેશન પર, બહાર નીકળતા જ પેસેન્જર્સને મળશે આ સુવિધા

અમદાવાદના કાલુપુર રેલવે સ્ટેશનની કાયાપલટ થવા જઇ રહી છે. જેમાં રૂ. 17 હજાર કરોડથી વધુના ખર્ચે ચાલી રહેલા આ પ્રોજેક્ટમાં રેલવે સ્ટેશનને એરપોર્ટ જેવી સુવિધાઓથી સજ્જ કરવામાં આવી રહ્યું છે. આ નવી સુવિધાઓમાંની એક રાઇડ સર્વિસ છે, જે મુસાફરોને પ્લેટફોર્મ પરથી બહાર નીકળતાં જ તરત જ ઉપલબ્ધ થાય છે. આ સુવિધાને કારણે મુસાફરોને હવે ટ્રાન્સપોર્ટેશન માટે લાંબી રાહ જોવી પડતી નથી.

View this post on Instagram

A post shared by VTV Gujarati News and Beyond (@vtv_gujarati_news)

આ નવી સુવિધા હેઠળ મુસાફરો પ્લેટફોર્મ પરથી બહાર નીકળતાંની સાથે જ બાઇક, ઓટો અને કેબ જેવી સર્વિસ મેળવી શકે છે. કાલુપુર રેલવે સ્ટેશન દેશનું પહેલું એવું સ્ટેશન છે. જ્યાં મુસાફરોને આ પ્રકારની તાત્કાલિક રાઇડ સર્વિસ મળે છે. પશ્ચિમ રેલવેએ આ માટે કેબ કંપનીઓ સાથે કરાર પણ કર્યા છે. જેથી મુસાફરોને સરળતાથી અને સુરક્ષિત રીતે વાહન મળી રહે.

આ પણ વાંચોઃ Video: રંગમાં પડ્યો ભંગ, વડોદરામાં ગરબે ઘૂમતા ખેલૈયાઓની વચ્ચે સાપે એન્ટ્રી મારતા અફરાતફરી

આ રાઇડ સર્વિસ શરૂ થતાં મુસાફરોને મોટી રાહત મળી છે. અગાઉ મુસાફરો રેલવે સ્ટેશનની બહાર નીકળતાં જ રિક્ષાચાલકો દ્વારા ઘેરી લેવાતા હતા અને ઘણીવાર ઊંચું ભાડું વસૂલીને છેતરાતા હતા. હવે કેબ કંપનીની સર્વિસ મળવાથી મુસાફરોને રિક્ષાચાલકોના ત્રાસમાંથી મુક્તિ મળી છે અને તેઓ વાજબી ભાવે પોતાની મંઝિલ સુધી પહોંચી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ