પોર્ન કૌભાંડ / પોર્ન વીડિયો કેસમાં શિલ્પાએ પતિને બચાવવા હાઈ કોર્ટના દરવાજા ખખડાવ્યા, કરી આવી અરજી

• શિલ્પા શેટ્ટીએ રાજની ધરપકડને ખોટી ગણાવી
• ધરપકડને શિલ્પા અને રાજે અયોગ્ય ગણાવતા HCમાં અરજી કરી
•  રાજ કુંદ્રાને લઈને પોલીસ શુક્રવારે તેના ઘરે પહોંચી હતી

શિલ્પા શેટ્ટીએ રાજની ધરપકડને ખોટી ગણાવી

પોર્ન વીડિયોના મામલામાં ફસાયેલ શિલ્પા શેટ્ટીના પતિ રાજ કુંદ્રાને લઈને પોલીસ શુક્રવારે તેના ઘરે પહોંચી હતી જેને પગલે શિલ્પાએ હાઈકોર્ટમાં અરજી કરી છે.  આ કેસમાં પોલીસ તેના ઘરમાં તપાસ કરી રહી છે અને કેટલાક પુરાવા મેળવવાનો પ્રયાસ કરી રહી છે. આ દરમિયાન  કોર્ટે100થી વધારે પોર્ન વીડિયો બનાવવાના આરોપમાં રાજ કુંદ્રાને પોલીસ કસ્ટડીમાં મોકલી દીધો છે. મુંબઈ પોલીસે રાજ કુંદ્રાની 19 જુલાઈની વચ્ચે ધરપકડ કરી હતી. તો કોર્ટે 23 જુલાઈથી તેની કસ્ટડી વધારીને 27 જુલાઈ કરી નાંખી છે. આ દરમિયાન શિલ્પા શેટ્ટીએ રાજની ધરપકડને ખોટી ગણાવતા હાઈ કોર્ટમાં અરજી કરી છે.

ધરપકડને શિલ્પા અને રાજે અયોગ્ય ગણાવતા HCમાં અરજી કરી

પોલીસનું કહેવું છે કે તેમણે પોર્ન કન્ટેન્ટથી જે કમાણી કરી હતી તેને ઓનલાઈન સટ્ટેબાજીમાં ખર્ય કરી હતી. એટલા માટે તેમના યથ બેંક અકાઉન્ટ અને યુનાઈટેડ બેંક અને આફ્રીકા વાળા ખાતાની તપાસ કરવામાં આવી રહી છે. આ દરમિયાન શિલ્પા અને રાજે બોમ્બે હાઈ કોર્ટેની વાટ પકડી છે. બન્ને તરફથી કોર્ટમાં ધરપકડને અયોગ્ય ગણાવવામાં આવી છે.

કુંદ્રાએ લગભગ 100 પોર્ન વીડિયો તૈયાર કર્યા- પોલીસ

ઉલ્લેખનીય છે કે પોલીસનું કહેવું છે કે કુંદ્રાએ લગભગ 100 પોર્ન વીડિયો તૈયાર કર્યા હતા અને આ સંબંધમાં તપાસને લઈને તે સહકાર નથી આપી રહ્યા. કદાચ એટલે જ આ સંબંધમાં કેટલાક પુરાવા તપાસવા માટે પોલીસ શિલ્પાના ઘરે પહોંચી હતી. શુક્રવારે પોલીસ તેમને અને તેમના સહયોગી રયાન થોર્પને કોર્ટમાં રજુ કર્યા હતા અને 7 દિવસ માટે કસ્ટડી વધારવા માંગ કરી હતી. પરંતુ કોર્ટે 4 દિવસ માટે તેમની કસ્ટડી વધારી હતી.