અપહરણ / પોરબંદરના જાણીતા દાનવીર ઉદ્યોગપતિનું આફ્રિકામાં અપહરણ, જંગલ વિસ્તારમાંથી કાર મળી આવી

• રિઝવાન આડતીયાનું મોઝામ્બિકમાં અપહરણ
• મોઝામ્બિકના માપૂટો શહેરમાંથી અપહરણ કરાયું 
• માપૂટોમાંથી મળી આવી રિઝવાન આડતીયાની કાર

મૂળ પોરબંદરના ખોજા ઉદ્યોગપતિ રિઝવાન આડતીયાની મોઝામ્બિકમાં કાર જંગલ વિસ્તારમાંથી મળી આવી છે. જેને લઇને તેનું અપહરણ થયું હોવાનું જાણવા મળી રહ્યું છે. મહત્વનું છે કે તેના જીવન આધારિત એક ફિલ્મ પણ બની હતી.

કોણ છે રિઝવાન આડતીયા?

રિઝવાન ફાઉન્ડેશનના સ્થાપક અને મોટા દાનવીર છે રિઝવાન આડતીયા. કોજસ ગ્રુપના નામથી દુનિયાભરમાં તેમના અનેક મૉલ્સ પણ છે. રિઝવાન આડતીયા ફાઉન્ડેશન એશિયા અને આફ્રિકાના દેશોમાં વસતા જરૂરીયાતમંદોની મદદ કરવી અને તેનુ જીવન ધોરણ ઉંચુ આવે તે હેતુથી સેવાકીય કામગીરી કરે છે. મોઝામ્બિકમાં ઝૂમ્બા માર્કેટથી ઘરે જવા સેલ્ફ ડ્રાઇવિંગમાં નિકળેલા રિઝવાન આડતીયાનું અપહરણ થયું હોવાની માહિતી સામે આવી છે.

કરોડો રૂપિયાનું એમ્પાયર ઉભું કર્યું હતું

રિઝવાન આડતીયાએ પોરબંદરથી આફ્રિકા જઇને કોજસ ગ્રુપ નામની સુપર માર્કેટ અને મોલનો બિઝનેસ શરૂ કર્યો હતો. જેના દ્વારા તેમણે કરોડો રૂપિયાનું એમ્પાયર ઉભું કર્યું હતું. તેમની આ સફળતા પર હમણા જ એક ફિલ્મ રિઝવાન બની હતી. તેઓ પ્રધાનમંત્રી નરેન્દ્ર મોદીને પણ વ્યક્તિગત રીતે ઓળખે છે. આ દાનવીર અને મોટા ઉદ્યોગપતિનું અપહરણ થતા ચિંતાનો માહોલ સર્જાયો છે.