વતનમાં વડાપ્રધાન / VIDEO : ભાવનગર આવું એટલે ગાંઠીયા યાદ આવે, પણ નવરાત્રિનું વ્રત ચાલે એટલે નકામું : PM મોદી

• ભાવનગરમાં ભવ્ય રોડ શો બાદ PM મોદીએ જાહેર સભા સંબોધી
• ભાવનગરમાં 5200 કરોડના વિકાસના કામોનું ખાતમુહૂર્ત અને લોકાર્પણ 
• પ્રધાનમંત્રી નરેન્દ્ર મોદી ગુજરાતની 2 દિવસીય મુલાકાતે છે

ગુજરાતની 2 દિવસીય મુલાકાતે આવેલા પ્રધાનમંત્રી નરેન્દ્ર મોદીએ આજે ભાવનગર પહોંચ્યા છે. અહીં તેમનો ભવ્ય રોડ શો યોજાયો હતો. અહીં તેઓ કરોડોના વિકાસના કામોનું ખાતમુહૂર્ત અને લોકાર્પણ કરશે. ત્યારે PM મોદીનો જવાહર મેદાન ખાતે જંગી સભાને સંબોધી હતી.

ભાવનગરમાં PM મોદીનું સંબોધન 

હું અહીં મોડો આવ્યો પણ ખાલી હાથ નથી આવ્યો, ગત વર્ષનું બાકી હતું તે પણ લઇને આવ્યો છુંઃ PM મોદી
મને આવવામાં કેટલાક વર્ષો લાગ્યા ગયા, હું મોડો આવ્યો પણ ખાલી હાથ નથી આવ્યો. ગત વર્ષોનું બાકી હતું તે પણ લઇને આવ્યો છું. આમ પણ ભાવનગરનો મારા પર અધિકાર છે. 

ભાવનગરના ગાંઠિયા દેશ અને દુનિયામાં વખણાય તે નાની વાત નથીઃ PM મોદી
ભાવનગર આવું એટલે નરસિંહ મામાના ગાંઠીયા, દાસના પૈંડા, અને ગાંઠીયા યાદ કરું. એટલે મને મારા હરિસિંહ દાદા યાદ આવે. ખુબ વર્ષો પહેલા મને ગાંઠિયા ખાવાનું શિખવ્યું હોય તો હરિંસિંહ દાદાએ શિખવાડ્યું. તે જ્યારે અમદાવાદ આવે એટલે ગાંઠિયા લેતા આવે. આજે જ્યારે ભાવનગર આવું ત્યારે નવરાત્રિનું વ્રત ચાલે એટલે નકામું. પણ છતાય ભાવનગરના ગાંઠિયા દેશ અને દુનિયામાં વખણાય તે નાની વાત નથી. આ ભાવનગરની તાકાત છે.

જૂની સ્ક્રેપિંગ પોલિસીની સૌથી મોટો લાભ ભાવનગરને મળશે
પ્રધાનમંત્રીએ કહ્યું કે, અલંગને દુનિયાના સૌથી મોટા શિપ બ્રેકિંગ યાર્ડ તરીકે ઓળખવામાં આવે છે. ત્યારે કેન્દ્ર સરકારે જૂની સ્ક્રેપિંગ પોલિસી બનાવી છે, તે જ્યારે લાગુ થશે ત્યારે આખા દેશમાં આ વ્હિકલ પોલિસીનો સૌથી પહેલા અને સૌથી વધુ લાભ તમને(ભાવનગર) મળવાનો છે. તેનું કારણ છે અલંગની પાર્ટ્સથી જોડાયેલી વિશેષજ્ઞતા છે, જાણકારી છે. તેવામાં જહાજોની સાથો સાથ બીજા નાના વાહનોની સ્ક્રેપિંગ માટે પણ દેશમાં મોટું યાર્ડ બનશે. એક સમયે વિદેશોથી પણ નાની-નાની ગાડીઓ લાવીને તેને સ્ક્રેપ કરવાની શરૂ કરી દેશે. જહાજોને તોડીને જે લોખંડ નિકળે છે, કન્ટેનરો માટે કોઈ એક જ દેશ પર નિર્ભરતા કેટલું મોટું સંકટ હોય છે, ભાવનગર માટે એ પણ મોટો અવસર છે. વૈશ્વિક વેપારમાં દેશની ભાગીદારીમાં ભાવનગરનું યોગદાન હશે. દુનિયા પણ કન્ટેનર્સમાં ભરોસાપાત્રની શોધમાં છે. આખી દુનિયાને લાખો કન્ટેનરની જરૂરિયાત છે. ભાવનગરમાં બનતા કન્ટેઇનર આત્મનિર્ભરને પણ ઉર્જા આપશે અને રોજગાર પણ આપશે. મનમાં સેવાનો ભાવ, પરિવર્તનની ઇચ્છાશક્તિ હોય તો માટામાં મોટું લક્ષ્ય પ્રાપ્ત કરી શકીએ છીએ.

• ભાવનગરના સૌ સજ્જનનો નવરાત્રિની ખુબ ખુબ શુભકામના, ઘણા લાંબા સમય પછી ભાવનગર આવ્યો છું
• સૌથી પહેલા ભાવનગરની ક્ષમા માંગવી છે, ભૂતકાળમાં ક્યારેય આટલા બધા સમય પછી ભાવનગર આવ્યો હોવ તેવી આ પહેલી ઘટના છે, ઘણા લાંબા સમય પછી ભાવનગર આવ્યો છું
• આજે ભાવનગરની મુલાકાત વિશેષ છે, કારણ કે દેશ આઝાદીના 75 વર્ષ પૂર્ણ કરી ચૂક્યું છે ત્યારે આ વર્ષે ભાવનગર પોતાની સ્થાપનાના 300 વર્ષ પૂર્ણ કરવા જઇ રહ્યું છે
• જ્યારે પણ ભાવનગર આવ્યો છું તો એક વાત જરૂર કહેતો રહ્યો છું, વિતેલા અઢી ત્રણ દાયકામાં સુરત, અમદાવાદ, વડોદરાની રહી તેજ ગૂંજ રાજકોટ, જામનગર, ભાવનગરની થવાની છે
• સૌરાષ્ટ્રની સમૃદ્ધિને લઇને મારો વિશ્વાસ પ્રગાઢ એટલે રહ્યો છે, ઉદ્યોગ, ખેતી અને પર્યટનની અભૂતપૂર્વ સંભાવનાઓ છે. આજનો આ કાર્યક્રમ એજ દિશામાં ડબલ એન્જીન સરકારના પ્રયાસોનું જિવતો જાગતો પૂરાવો છે
• ભાવનગર સમૃદ્ર કિનારે વસેલો જિલ્લો છે, ગુજરાત પાસે સૌથી લાંબી કોસ્ટ લાઇન છે
• ગુજરાતનો પ્રથમ ગેસ ટર્મિનલ બનશે
• 20-22 વર્ષના યુવાનો હશે તેને ખબર પણ નહીં હોય કે સાંજે જમવાના સમયે લાઇટ આવી ગઇ તો ખુશીનો દિવસ ગણાતો, હું મુખ્યમંત્રી બન્યો ત્યારે માંગ હતી કે ઓછામાં ઓછું સાંજે વિજળી મળે એટલું તો કરો, એ બધા દુઃ ખના દિવસો ચાલ્યા ગયા, આજે અહીં જરૂરી વિજળીના કારણે ઉદ્યોગ-ધંધા વિકસી રહ્યા છે.

ભાવનગરમાં મંત્રીઓ અને નેતાઓ PMનું કર્યું સ્વાગત
સભા સ્થળે મનસુખ માંડવિયા, સી.આર. પાટીલ, જીતુ વાઘાણી, ભારતીબેન શિયાળ, નારણ કાછડિયા, વિભાવરી બેન દવે, પરશોત્તમ સોલંકી, આર.સી. મકવાણા, ભીખા બારૈયા, સૌરભ પટેલ સહિતના સાંસદ અને ધારાસભ્યો ઉપસ્થિત રહ્યા હતા. તેમના દ્વારા પ્રધાનમંત્રીનું સન્માન કરાયું હતું.

PM મોદીનો યોજાયો ભવ્ય રોડ શો 
ભાવનગરમાં પ્રધાનમંત્રી મોદીનો ભવ્ય રોડ શો યોજાયો હતો. આ દરમિયાન ભવાઈ સહિત કૃતીઓ રજૂ કરાઇ હતી. વિવિધ કૃતિઓ દ્વારા PM નરેન્દ્રનું લોકોએ સ્વાગત કર્યું હતું. PMના આગમનને લઇ લોકોમાં અનેરો ઉત્સાહ જોવા મળી રહ્યો છે.

ભાવનગરમાં 5200 કરોડથી વધુના વિકાસના કામોનું મૂહુર્ત અને લોકાર્પણ 

• 402 કરોડના ખર્ચે સૌની યોજના, લિંક 2 અને પેકેજ 7નું લોકાર્પણ 
• 112 કરોડના ખર્ચે 25 મેગાવોટ સોલાર પ્રોજેક્ટનું લોકાર્પણ 
• 111 કરોડના ખર્ચે ભાવનગર એસ.ટી બસ પોર્ટનું લોકાર્પણ 
• 100 કરોડના ખર્ચે રિજીયોનલ સાયન્સ સેન્ટરનું લોકાર્પણ 
• 70 કરોડના ખર્ચે નવાગામ ખાતે કન્ટેઇનર મેન્યુફેકચરીંગનું લોકાર્પણ  
• 58 કરોડના ખર્ચે યુ.જી.ડી. બોટાદ ફેઝ 1 અને 2નું લોકાર્પણ 
• 43 કરોડના ખર્ચે 32 એમ.એલ.ડી,એસ.ટી.પી બોટાદનું લોકાર્પણ  
• 10 કરોડના ખર્ચે તળાજાની મોડેલ સ્કૂલનું લોકાર્પણ 
• 6 કરોડના ખર્ચે સરકારી કન્યા છાત્રાલયનું લોકાર્પણ 
• 5 કરોડના ખર્ચે મોતીબાગ ટાઉનહોલનું લોકાર્પણ 
• 4024 કરોડના ખર્ચે નવાબંદર ખાતે સી.એન.જી.ટર્મીનલનું ખાતમૂહુર્ત
• 1045 કરોડના ખર્ચે ઢાંકીથી નાવડા બલ્ક પાઇપ લાઇન પ્રોજેક્ટનુંખાતમૂહુર્ત
• 200 કરોડના ખર્ચે નવા માઢીયા ખાતે જીઆઈડીસીનું ખાતમૂહુર્ત
• 135 કરોડના ખર્ચે સૌની યોજના, લિંક 2, પેકેજ 9નુ ખાતમૂહુર્ત